Тәуелсіз Мемлекеттер Достастығына қатысушы мемлекеттердің білім беру қызметін лицензиялау, білім беру мекемелерін аттестаттау және аккредиттеу саласындағы жұмыстарды үйлестіру туралы Келісім (Мәскеу қ., 2001 ж. 29 қараша)

Тәуелсiз Мемлекеттер Достастығына қатысушы мемлекеттердiң бiлім беру
қызметiн лицензиялау, білім беру мекемелерiн аттестаттау және
аккредиттеу саласындағы жұмыстарды үйлестiру туралы Келісім
(Мәскеу қ., 2001 ж. 29 қараша)

ҚР Үкіметінің 31.07.03 ж. № 766 қаулысымен бекітілдi

Осы Келісімге қатысушы мемлекеттердiң Үкiметтерi, бұдан әрi Тараптар,

1992 жылғы 15 мамырдағы Білім беру саласындағы ынтымақтастық туралы келісімнің ережелерiн және 1997 жылғы 17 қаңтардағы Тәуелсiз Мемлекеттер Достастығының бірыңғай (ортақ) білім беру кеңiстiгiн қалыптастыру жөніндегі ынтымақтастық туралы келісімдi басшылыққа ала отырып,

Тәуелсiз Мемлекеттер Достастығына қатысушы мемлекеттер арасындағы білiм беру саласындағы тығыз байланысты ескере отырып,

білім беру сапасын қамтамасыз ету үшiн бірыңғай көзқарастарды қалыптастыруда және білім беру сапасын қамтамасыз етудің мемлекетаралық жүйесiн жасауда Тараптардың өзара іс-қимылының қажеттілігін тани отырып,

төмендегiлер туралы келiстi:

1-бап

Тараптар білім беру сапасын қамтамасыз етудің бірыңғай талаптарын белгiлеу үшiн шараларды қабылдайды және білім беру қызметiн лицензиялау, білім беру мекемелерiн аттестаттау және аккредиттеу саласындағы келісілген қағидаттарды ұстанады.

2-бап

Тараптар сапалы білім берудi қамтамасыз етуде бірыңғай талаптарды белгiлеу мақсатында:

білім беру қызметiн лицензиялау, білім беру мекемелерiн аттестаттау және аккредиттеу саласындағы ұлттық заңнаманы және өзге де нормативтік кесімдердi жақындастыруға қатысты шараларды қабылдайды;

Тараптар мемлекеттерiнің бiлім беру қызметiн лицензиялау, білім беру мекемелерiн аттестаттау және аккредиттеу саласындағы өзара iс-қимыл мәселелерi жөніндегі қажеттi нормативтiк құқықтық базаны қалыптастырады.

3-бап

Тараптар білім беру сапасын қамтамасыз ету жөніндегі білім беру мекемелерiне білім беру қызметiн лицензиялауды жүргiзуге, білім беру мекемелерiн аттестаттау және аккредиттеуге қойылатын талаптарды әзiрлеу кезiнде, сондай-ақ аккредиттелiнген білім беру мекемелерiнiң (аккредиттеу рәсiмдерiн жүргiзу заңнамаларында көзделмеген мемлекеттер үшiн аттестатталған) деректер банкін құру кезінде өзара iс-қимыл жасайды.

4-бап

Тараптар ұлттық заңнамаға сәйкес: