Қазақстан Республикасы Туризм және спорт жөніндегі агенттігінің «Лениногор қаласындағы спорттағы дарынды балаларға арналған республикалық мектеп-интернат» мемлекеттік мекемесін құру туралы Қазақстан Республикасы Үкіметінің 2002 ж. 19 маусымдағы № 673 қаулысы (2009.19.09. берілген өзгерістер мен толықтыруларымен)

Қазақстан Республикасы Туризм және спорт жөніндегі агенттiгiнiң
"Лениногор қаласындағы спорттағы дарынды балаларға арналған
республикалық мектеп-интернат" мемлекеттік мекемесiн құру туралы
Қазақстан Республикасы Үкіметінің 2002 ж. 19 маусымдағы № 673 қаулысы

(2009.19.09. берілген өзгерістер мен толықтыруларымен)

Спорттағы дарынды балалардың жеке ерекшелiктерiн дамыту мақсатында Қазақстан Республикасының Үкіметі қаулы етеді:

1. Қазақстан Республикасы Туризм және спорт жөніндегі агенттiгiнiң "Лениногор қаласындағы спорттағы дарынды балаларға арналған республикалық мектеп-интернат" мемлекеттік мекемесi (бұдан әрi - Мекеме) құрылсын.

2. Мекеме қызметiнiң негiзгi мәнi мыналар болып белгiленсiн:

1) қысқы спорт түрлерi бойынша спорттық резервтi және Қазақстан Республикасының ұлттық құрама командаларын даярлау;

2) оқушылардың спорттық жарыстарға қатысуын қамтамасыз ету.

3. Мекеменi қаржыландыру тиiстi қаржы жылына арналған республикалық бюджетте Қазақстан Республикасының Туризм және спорт жөніндегі агенттiгiне көзделетiн қаражат шегiнде жүзеге асырылады деп белгiленсiн.

4. Шығыс Қазақстан облысы әкiмдiгiнiң Лениногор қаласы, Лесное селосы мекен-жайы бойынша орналасқан "Лениногор" санаторийiн кейiннен Мекемеге беру үшiн Шығыс Қазақстан облысының коммуналдық меншiгiнен республикалық меншiкке беру туралы ұсынысы қабылдансын.

5. Қазақстан Республикасының Туризм және спорт жөніндегі агенттiгi:

1) Мекеменiң жарғысын бекiтсiн және оның әдiлет органдарында мемлекеттік тiркелуiн қамтамасыз етсiн;

2) Қазақстан Республикасы Қаржы министрлігінiң Мемлекеттік мүлiк және жекешелендiру комитетiмен бiрлесiп заңнамада белгiленген тәртiппен "Лениногор" санаторийiн республикалық меншiкке қабылдауды және оны Мекемеге берудi қамтамасыз етсiн;

3) осы қаулыдан туындайтын өзге де шараларды қабылдасын.

6. Қоса беріліп отырған Қазақстан Республикасы Үкіметінің кейбір шешiмдерiне енгiзiлетiн өзгерістер мен толықтырулар бекітілсін.

7. Осы қаулы қол қойылған күнінен бастап күшіне енеді.

Қазақстан Республикасының

Қазақстан Республикасы Үкіметінің