Қазақстан Республикасының Үкіметі мен Жапония Үкіметінің арасындағы «Қызылорда қаласының көп бағдарлы аурухана кешеніне медициналық жабдықтар беру» жобасын жүзеге асыру үшін Жапония Үкіметінің грантын тарту туралы ноталар алмасу нысанындағы келісім (Астана қ., 2003 ж. 29 қаңтар)

Жоба

Қазақстан Республикасының Үкіметі мен Жапония Үкіметінің арасындағы
"Қызылорда қаласының көп бағдарлы аурухана кешеніне медициналық
жабдықтар беру" жобасын жүзеге асыру үшін Жапония Үкіметінің
грантын тарту туралы ноталар алмасу нысанындағы келісім
(Астана қ., 2003 ж. 29 қаңтар)

ҚР 2003 жылғы 26 наурыздағы № 397-II Заңымен келісім бекітілді

Қазақстан Республикасының Сыртқы iстер министрлігінiң Нотасы

Сiздiң Жоғары мәртебелiңiз,

Мәтiнi төменде келтiрiлген Сiздің бүгiнгi күнмен белгiленген Жоғары мәртебелі Нотаңызды алғандығымды растауға рұқсат етуіңізді сұраймын:

"Екi ел арасындағы достық байланыстар мен ынтымақтастықты кеңейту үшiн жапон экономикалық ынтымақтастығына қатысты Жапония Үкіметі мен Қазақстан Республикасы Үкiметінің өкілдері арасында жақында өткiзiлген талқылауға жүгiнудi әрі Жапония Үкіметінiң атынан мынадай келісімдердi ұсынуға рұқсат етуіңізді сұраймын:

1. Қазақстан Республикасы Үкіметiнің Қызылорда қаласының көп бейiндi аурухана кешенiне медициналық жабдықтар беру жөніндегі жобасын (бұдан әрi - Жоба) iске асыруға көмектесу мақсатында Жапония Үкіметі Жапонияның қолданыстағы заңнамасына, нормативтiк кесiмдерiне сәйкес Қазақстан Республикасының Үкіметіне Y 467.000.000 (төрт жүз алпыс жеті миллион йен) мөлшерде грант (бұдан әрi - Грант) бөлiнсiн.

2. Грант, егер осы кезең уәкiлеттi екі үкiметтің өзара келісімдерi арқылы ұзармаған болса, осы келісім күшiне енген күн мен 2003 жылғы 31 наурыз арасындағы кезең iшiнде ұсынылады.