Интегралдық микросхема топологияласын тіркеуге өтінім жасау, беру, қарау және тіркеу жөніндегі Ережені бекіту жөнінде Қазақстан Республикасының Әділет министрлігі Санаткерлік меншік құқығы жөніндегі комитеті төрайымының 2002 ж. 9 қарашадағы № 192 бұйрығы (2005.30.12. берілген өзгерістер мен толықтырулармен) (күші жойылды)

Интегралдық микросхема топологияласын тіркеуге өтінім жасау, беру, қарау
және тіркеу жөніндегі Ережені бекіту жөнінде Қазақстан Республикасының
Әділет министрлігі Санаткерлік меншік құқығы жөніндегі комитеті
төрайымының 2002 ж. 9 қарашадағы № 192 бұйрығы

(2005.30.12. берілген өзгерістер мен толықтырулармен)

ҚР Әділет министрінің м.а. 2010 жылғы 23 сәуірдегі № 136 Бұйрығымен күші жойылды

Қазақстан Республикасының «Интегралдық микросхемалар топологияларын құқықтық қорғау туралы» 2001 жылғы 29 шілдедегі № 217-ІІ Заңын жүзеге асыру мақсатында бұйырамын:

1. Интегралдық микросхема топологиясын тіркеуге өтінім жасау, беру, қарау және тіркеу жөніндегі қоса беріліп отырған Ереже бекітілсін.

2. Өнеркәсіп құқығы саласында мемлекеттік саясатты қамтамасыз ету басқармасы осы Ережені мемлекеттік тіркеуден өткізуді қамтамасыз етсін.

3. Осы бұйрықтың орындалуына бақылау жасау Комитет төрайымының орынбасары Ю.Н.Сыпченковқа жүктелсін.

4. Осы бұйрық Қазақстан Республикасы Әділет министрлігінде мемлекеттік тіркелген күннен бастап қолданысқа енгізіледі.

Төрайым

Қазақстан Республикасының

Әділет министрлігінің Санаткерлік

меншік құқығы жөніндегі

комитеті төрайымының

2002 жылғы қарашаның 9-жұлдызындағы

№ 192 бұйрығымен бекітілді

Интегралдық микросхема топологияласын тіркеуге

өтінім жасау, беру, қарау, тіркеу және куәлік беру жөніндегі

ЕРЕЖЕ

1. Жалпы ережелер

1. Осы Ереже Қазақстан Республикасының «Интегралдық микросхемалар топологияларын құқықтық қорғау туралы» 2001 жылғы 29 шілдедегі Заңына (бұдан әрі - Заң) сәйкес әзірленді және интегралдық микросхема топологиясын тіркеуге өтінім жасау, беру, қарау, тіркеу және куәлік беру тәртібін айқындайды.

2. Осы Ережеде мынадай ұғымдар мен терминдер пайдаланылады:

ҚР ӘМ Санаткерлік меншік құқығы жөніндегі комитетінің 28.09.04 ж. № 60-п бұйрығымен 1) тармақша өзгертілді (бұр. ред. қара)

1) бюллетень - интегралдық микросхемалар топологияларын қорғау мәселелерi жөніндегі ресми басылым;

2) өтінім - интегралдық микросхемалар топологияларын тіркеуге өтінім;