«Қазақстан Республикасының кейбір заң актілеріне Қазақстан Республикасында жер қойнауын пайдалану және мұнай операцияларын жүргізу мәселелері жөнінде өзгерістер мен толықтырулар енгізу туралы» Қазақстан Республикасының Заңы (жоба) (2002 ж. 24 желтоқсан)

Жоба

Қазақстан Республикасында жер қойнауын пайдалану және
мұнай операцияларын жүргiзу мәселелерi жөнiндегі Қазақстан
Республикасының кейбір заңнамалық кесiмдеріне өзгерістер
мен толықтырулар енгізу туралы
Қазақстан Республикасының заңы

Заңның жобасы ҚР Үкіметінің 24.12.02 ж. № 1352 қаулысына сәйкес Қазақстан Республикасының Парламентi Мәжілісiнiң қарауына енгiзiлді

1-бап. Қазақстан Республикасының мынадай заңнамалық кесiмдерiне өзгерістер мен толықтырулар енгiзiлсiн:

1. Қазақстан Республикасы Президентiнің "Жер қойнауы және жер қойнауын пайдалану туралы" 1996 жылғы 27 қаңтардағы № 2828 Заң күшi бар

Жарлығына (Қазақстан Республикасы Парламентінің Ведомостары, 1996 ж., № 2, 182-бап; 1999 ж., № 11, 357-бап, № 21, 787-бап):

1) тақырыбы мынадай редакцияда жазылсын:

"Жер қойнауы және жер қойнауын пайдалану туралы" Қазақстан Республикасының Заңы";

2) Кiрiспе алынып тасталсын;

3) барлық мәтін бойынша:

"Жарлыққа", "Жарлықпен", "Жарлықтағы", "Жарлық" деген сөздер сәйкесінше "Заңға", "Заңмен", "Заңдағы", "Заң" деген сөздермен ауыстырылсын;

"(уәкілеттi мемлекеттік орган)", "(Блок)", "(Блоктар)", "(Блоктарға)", "(Блокқа)" деген сөздер алынып тасталсын;

"инвестициялық бағдарламалар конкурсы", "инвестициялық бағдарламалар конкурсында", "инвестициялық бағдарламалар конкурсын" деген сөздер тиiсiнше "конкурсы", "конкурсында", "конкурсын" деген сөздермен ауыстырылсын;

4) 1-бап:

мынадай мазмұндағы 1-2) тармақшамен толықтырылсын:

"1-2) Жұмыстардың жылдық бағдарламасы - Жер қойнауын пайдаланушының ол күнтізбекті жылда жоспарлайтын жұмыстар көлемi мен қаржылық шығындардың егжей-тегжейлі белгiлеуiн қамтитын күнтізбекті жылға арналған iс-қимылдарының жоспары";

2) тармақшадағы "Пайдалы қазбалардың болуы бойынша" деген сөздер "іздестiру және iздестiру-бағалау жұмыстарын жүргiзу жолымен Пайдалы қазбалардың бар-жоқтығына" деген сөздермен ауыстырылсын;