|
|
|
Білім беру ұйымдарының білім алушылары мен тәрбиеленушiлерiн оқулықтармен қамтамасыз ету ережесін бекіту туралы (2004.03.12. берілген толықтырулармен)
ҚР Үкіметінің 2012 жылғы 30 наурыздағы № 391 Қаулысымен күші жойылды
Білім беру ұйымдарының білім алушыларын және тәрбиеленушiлерiн оқу әдебиетiмен уақытылы қамтамасыз ету мақсатында және «Білім туралы» Қазақстан Республикасының 1999 жылғы 7 маусымдағы Заңының 36-бабына сәйкес Қазақстан Республикасының Үкіметі қаулы етеді: 1. Қоса беріліп отырған Білім беру ұйымдарының білім алушылары мен тәрбиеленушiлерiн оқулықтармен қамтамасыз ету ережесi бекітілсін. 2. Облыстардың, Астана және Алматы қалаларының әкiмдерiне оқулықтарды қайтарымды негiзде тегін пайдалануға құқығы бар білім алушылардың санаттарын қосымша белгiлеу құқығы берiлсiн. 1) «Білім беру ұйымдарының білім алушылары мен тәрбиеленушiлерiн оқулықтармен қамтамасыз етудiң тәртібі туралы ереженi бекіту туралы» Қазақстан Республикасы Үкіметінiң 2000 жылғы 3 ақпандағы № 157 қаулысының (Қазақстан Республикасының ПҮКЖ-ы, 2000 ж., № 5-6, 64-құжат); 2) «Қазақстан Республикасы Үкіметінiң 2000 жылғы 3 ақпандағы № 157 қаулысына өзгерістер мен толықтырулар енгізу туралы» Қазақстан Республикасы Yкіметiнiң 2001 жылғы 11 сәуірдегі № 489 қаулысының (Қазақстан Республикасының ПYКЖ-ы, 2001 ж., № 14, 172-құжат) күшi жойылды деп танылсын. 4. Осы қаулы қол қойылған күнінен бастап күшіне енеді және жариялануға тиiс. Қазақстан Республикасының
Үкіметінiң 2003 жылғы 19 ақпандағы № 173 қаулысымен бекітілген Білім беру ұйымдарының білім алушылары мен тәрбиеленушiлерiн оқулықтармен қамтамасыз ету ережесi 1. Осы Білім беру ұйымдарының білім алушылары мен тәрбиеленушiлерiн оқулықтармен қамтамасыз ету ережесi (бұдан әрі - Ереже) «Білім туралы» Қазақстан Республикасының 1999 жылғы 7 маусымдағы Заңының 36-бабына сәйкес әзiрлендi. Осы Ереже мемлекеттік білім беру ұйымдарының білім алушылары мен тәрбиеленушілерiн оқулықтармен қамтамасыз етудiң тәртібін белгiлейдi. 2. Мемлекеттік оқу орындарында оқушылармен тәрбиеленушiлердi оқулықтармен қамтамасыз ету: жыл сайын мектеп кітапханалары арқылы оқулықтарды қайтарымды негiзде пайдалануға тегiн беру жолымен; оқулықтарды бөлшек саудадан сатып алу жолымен жүзеге асырылады. 3. Жыл сайын мектеп кiтапханаларынан оқулықтарды қайтарымды негiзде тегін пайдалануға: интернаттық ұйымдардың тәрбиеленушiлерi; жетiм балалар, ата-анасының қамқорлығынсыз қалған балалар, даму мүмкіндiктерi шектеулi балалар, мүгедектер, бала кезiнен мүгедектер; мемлекеттік атаулы әлеуметтiк көмек алуға құқығы бар отбасыларының балалары; көп балалы отбасыларының балалары; мемлекеттік атаулы әлеуметтiк көмек алмайтын, жан басына шаққандағы табысы ең төменгi күнкөрiс деңгейiнен төмен отбасыларының балалары; денсаулық жағдайына байланысты ұзақ уақыт бойы жалпы орта білім беру бағдарламалары бойынша емдеу ұйымдарында білім алатын балалар алады. 4. Атаулы әлеуметтiк көмек тағайындауды жүзеге асырушы уәкiлеттi органдар білім берудi басқару органдарына мемлекеттік атаулы әлеуметтiк көмек алуға құқығы бар отбасылары балаларының тiзiмдерiн бередi. 5. Оқушылар мен тәрбиеленушiлердi қамтамасыз ету үшiн мiндеттi оқулықтардың тiзбесi мемлекеттік жалпыға бірдей мiндетті білім беру стандартына сәйкес білім беру саласындағы орталық атқарушы органның шешiмiмен бекітіледi. Мiндеттi тiзбеге кiрмейтiн оқу әдебиетiн сатып алуды оқушылар өздерi жүзеге асырады. 6. 3-тармақта көрсетiлген оқушылар мен тәрбиеленушiлердi кезекті қаржы жылына мемлекеттік білім беру ұйымдары мектеп кітапханаларының қорлары арқылы даналар саны, атаулары, сыныптары және оқыту тiлдерi бойынша оқулықтармен қамтамасыз ету қажеттілiгiн жергілікті атқарушы органдар анықтайды және жергіліктi бюджеттер қаражаты есебiнен облыстардың, Астана және Алматы қалаларының әкiмдерi қамтамасыз етедi. Республикалық білім беру ұйымдарындағы оқушыларды, сондай-ақ шет елде тұратын отандастарды оқулықтармен қамтамасыз ету қажеттiлiгiн білім беру саласындағы орталық атқарушы орган анықтайды және республикалық бюджет қаражаты есебiнен қамтамасыз етедi. ҚР Үкіметінің 03.12.04 ж. № 1261 қаулысымен 6-1-тармақпен толықтырылды 6-1. Жергiлiктi атқарушы органдар оқулықтарды, оқу-әдiстемелiк кешендер мен оқу-әдiстемелiк құралдарды сатып алу мен жеткiзудi ұйымдастырады, оның iшiнде жалпы орта білім беретiн мемлекеттік білім беру ұйымдарының кiтапханаларын Қазақстан Республикасының білім беру саласындағы орталық атқарушы органы ұсынған барлық оқулықтардың, оқу-әдiстемелiк кешендер мен оқу-әдiстемелік құралдардың міндеттi данасымен қамтамасыз етедi. 7. Мемлекеттік білім беру ұйымдарының оқулықтарды тегiн алуға құқығы бар оқушылары мен тәрбиеленушiлерiн қамтамасыз ету үшін мiндеттi тiзбеге кiретiн атаулар бойынша оқулықтарды сатып алу толық таралымымен 4 жылда бір рет, кейiннен мектеп кiтапханаларын қорландыру циклы бойынша оқу әдебиетiнiң қажеттi санын қосымша сатып ала отырып жүзеге асырылады. Қажетті оқулықтарды қосымша сатып алу төрт жылдық циклдың екi жылы өткеннен кейiн білім алушылардың көрсетiлген контингентiнiң жиырма пайызынан аспайтын мөлшерде жүргiзiледi. 8. Мемлекеттік білiм беру ұйымдарының кiтапханаларындағы оқулықтарды сақтау, есепке алу, беру, қайтару және есептен шығару туралы нұсқаулықты білім беру саласындағы орталық атқарушы орган бекiтедi. 9. Мемлекеттік білім беру ұйымдарының студенттерi, магистранттары, курсанттары, тыңдаушылары, тағылымдамашылары аспиранттары, адъюнкттары және докторанттары оқулықтармен осы ұйымдар белгiлеген тәртiппен қамтамасыз етiледi. 10. Мемлекеттік емес білім беру ұйымдарының білім алушылары мен тәрбиеленушiлерiн оқулықтармен қамтамасыз етудiң тәртібiн осы білім беру ұйымдары Қазақстан Республикасының заңнамасына сәйкес белгiлейдi.
Доступ к документам и консультации
от ведущих специалистов |