Ұжымдық қауіпсіздік туралы шарт Ұйымының құқықтық мәртебесі туралы келісім (Кишинев қ., 2002 ж. 7 қазан) (2018.08.11. берілген өзгерістер мен толықтырулармен)

Ұжымдық қауiпсiздiк туралы шарт Ұйымының құқықтық мәртебесi туралы
КЕЛІСІМ
(Кишинев қ., 2002 ж. 7 қазан)

(2018.08.11. берілген өзгерістер мен толықтырулармен)

2003 ж. 2 шілдедегі № 450-11 Қазақстан Республикасының Заңына сәйкес Келісім бекітілді

Ұжымдық қауіпсiздiк туралы Шартқа қатысушы мемлекеттер,

1992 жылғы 15 мамырдағы Ұжымдық қауiпсiздiк туралы Шарттың негiзiнде (бұдан әрi - Шарт),

халықаралық құқықтың жалпыға танылған принциптерiн басшылыққа ала отырып,

Ұжымдық қауiпсiздiк туралы Шарт Ұйымының (бұдан әрi - Ұйым) мақсаттары мен принциптерiн тиiмдi iске асыру үшiн қажеттi жағдайлармен қамтамасыз етуге ниет білдiре отырып,

төмендегілер туралы келiстi:

2007 ж. 6 қазандағы Хаттамамен (бұр.ред.қара); 2018 ж. 8 қарашадағы Екінші хаттамамен (2021 жылғы 19 қаңтарда күшіне енді) (бұр.ред.қара) 1-бап өзгертілді

1-бап

Осы Келісімнің мақсаттары үшiн келтiрiлген төмендегi терминдер мынаны білдiредi:

«Тараптар» - осы Келісімге қатысушы мемлекеттер;

«мүше-мемлекеттер» - Ұйымға мүше-мемлекеттер;

«Кеңес» - Ұйым Жарғысының IV-тарауына сәйкес құрылған Ұжымдық қауiпсiздiк кеңесi;

«мекендеу мемлекетi» - Ұйым Хатшылығы орналасатын немесе iс-шара өткiзiлетiн аумақтағы мүше-мемлекет;

«Ұйым органдары» - Ұжымдық қауiпсiздiк кеңесi, Сыртқы iстер министрлерiнiң кеңесi, Қорғаныс министрлерiнiң кеңесi, Ұйымға мүше-мемлекеттер Қауiпсiздiк кеңесi хатшыларының комитетi;

мүше мемлекеттердің өкілдері» - мүше мемлекеттердің Ұйым жанындағы Тұрақты және Тұрақты өкілдерін қоспағанда, Ұйым шеңберінде өткізілетін іс- шараларға қатысатын делегациялардың басшылары мен мүшелерін қоса алғанда, Ұйымға мүше мемлекеттердің өкілдері;