Сақтандыру қызметін жүзеге асыру құқығына лицензия алу үшін ұсынылатын құжаттардың мазмұнына қойылатын талаптарды айқындау, сондай-ақ лицензияны қайта ресімдеу жөніндегі ережені бекіту туралы Қазақстан Республикасы Ұлттық Банкі Басқармасының 2003 ж. 7 наурыздағы № 77 қаулысы (ҚР Қаржы рыногын және қаржылық ұйымдарды реттеу мен қадағалау жөніндегі агенттігі басқармасының 24.05.04 ж. № 143 қаулысымен енгізілген өзгерістерімен) (күші жойылды)

Сақтандыру қызметін жүзеге асыру құқығына лицензия алу үшін ұсынылатын
құжаттардың мазмұнына қойылатын талаптарды айқындау, сондай-ақ лицензияны
қайта ресімдеу жөніндегі ережені бекіту туралы Қазақстан Республикасы
Ұлттық Банкі Басқармасының 2003 ж. 7 наурыздағы № 77 қаулысы
(ҚР Қаржы рыногын және қаржылық ұйымдарды реттеу мен қадағалау
жөніндегі агенттігі басқармасының 24.05.04 ж. № 143 қаулысымен
енгізілген өзгерістерімен)

ҚР Қаржы нарығын және қаржы ұйымдарын реттеу мен қадағалау агенттігі Басқармасының 2006.09.01. № 11 Қаулысымен күші жойылды

"Сақтандыру қызметі туралы" Қазақстан Республикасы Заңының 37-бабын іске асыру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Сақтандыру қызметін жүзеге асыру құқығына лицензия алу үшін ұсынылатын құжаттардың мазмұнына қойылатын талаптарды айқындау, сондай-ақ лицензияны қайта ресімдеу жөніндегі ереже бекітілсін.

2. Қаржылық қадағалау департаменті (Бахмутова Е.Л.):

1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын;

2) Қазақстан Республикасының Әділет министрлігінде мемлекеттік тіркеуден өткізілген күннен бастап он күндік мерзімде осы қаулыны Қазақстан Республикасының Ұлттық Банкі орталық аппаратының мүдделі бөлімшелеріне, аумақтық филиалдарына және сақтандыру (қайта сақтандыру) ұйымдарына жіберсін.

3. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ә.Ғ.Сәйденовке жүктелсін.

4. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күннен кейін күшіне енгізіледі.

Ұлттық Банк

Қазақстан Республикасының

Ұлттық Банкі Басқармасының

"Сақтандыру қызметін жүзеге

асыру құқығына лицензия алу

үшін ұсынылатын құжаттардың

мазмұнына қойылатын талаптарды

айқындау, сондай-ақ лицензияны

қайта ресімдеу жөніндегі