Қазақстан Республикасына типтік емес өкпе қабынуын әкелуге және оның таралуына жол бермеу жөніндегі шаралар туралы Қазақстан Республикасы Премьер-Министрінің 2003 жылғы 30 сәуірдегі № 81-ө өкімі (ҚР Премьер-Министрінің 17.05.03 ж. № 91-ө өкімімен енгізілген өзгерістерімен)

Қазақстан Республикасына типтік емес өкпе қабынуын әкелуге және оның
таралуына жол бермеу жөніндегi шаралар туралы Қазақстан Республикасы
Премьер-Министрінің 2003 жылғы 30 сәуірдегі № 81-ө өкімі
(ҚР Премьер-Министрінің 17.05.03 ж. № 91-ө
өкімімен енгізілген өзгерістерімен)

Қазақстан Республикасына типтiк емес өкпе қабынуын әкелудiң және оның таралуының алдын алу мақсатында:

1. Қазақстан Республикасының Денсаулық сақтау министрлігі Типтiк емес өкпе қабынуын әкелудiң және оның одан әрi таралуының алдын алу жөніндегі бағдарламаны әзiрлесiн және бекiтсiн.

2. Қазақстан Республикасының Экономика және бюджеттік жоспарлау, Қаржы министрлiктерi Денсаулық сақтау және Сыртқы iстер министрліктерiнің қатысуымен үш күн мерзiмде санитарлық-карантиндiк пункттердің, вирусологиялық зертханалардың жұмыс iстеуiн және Қазақстан Республикасы азаматтарының Қытай Халық Республикасынан (бұдан әрi - ҚХР) келуiн қамтамасыз етуге бағытталған iс-шараларды қаржыландыру көздерi бойынша ұсыныс енгізсін.

3. Қазақстан Республикасының Сыртқы iстер, Білім және ғылым, Еңбек және халықты әлеуметтік қорғау министрлiктерi:

1) азаматтардың отанына ұйымдасқан түрде оралуын қамтамасыз ету үшiн үш күн мерзiмде Қазақстан Республикасының ҚХР-дағы Елшілiгінде консулдық есепте тұратын адамдардың тiзiмiн дайындасын және Қазақстан Республикасының Денсаулық сақтау министрлігіне берсiн;