Қазақстан Республикасының кейбір заң актілеріне сақтандыру мәселелері бойынша өзгерістер мен толықтырулар енгізу туралы 2003 ж. 8 мамырдағы № 414-II Қазақстан Республикасының Заңы

Қазақстан Республикасының кейбір заң актілеріне сақтандыру мәселелері
бойынша өзгерістер мен толықтырулар енгізу туралы
2003 ж. 8 мамырдағы № 414-II Қазақстан Республикасының Заңы

Қазақстан Республикасының мына заң актілеріне өзгерістер мен толықтырулар енгізілсін:

1. "Қазақстан Республикасындағы көлік туралы" 1994 жылғы 21 қыркүйектегі Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1994 ж., № 15, 201-құжат; Қазақстан Республикасы Парламентінің Жаршысы, 1996 ж., N2, 186-құжат; 1998 ж., N24, 447-құжат; 2001 ж., N23, 309, 321-құжаттар; N24, 338-құжат):

1) 11-баптың бірінші бөлігі соңғы абзацындағы "міндетті" деген сөз алып тасталып, "тиіс)." деген сөзден кейін нүктелі үтір қойылып, мынадай мазмұндағы абзацпен толықтырылсын:

" - Қазақстан Республикасының міндетті сақтандыру туралы заң актілерінде белгіленген тәртіппен өзінің жолаушылар алдындағы азаматтық-құқықтық жауапкершілігін сақтандыруға міндетті.";

2) 24-бап мынадай редакцияда жазылсын:

"24-бап. Сақтандыру

Жолаушылар теміржол, теңіз, ішкі су, әуе, автомобиль көлігімен және қалалық электр көлігімен сапарға шыққан кезде тасымалдаушының жолаушылар алдындағы азаматтық-құқықтық жауапкершілігі, сондай-ақ көлік құралдары иелерінің азаматтық-құқықтық жауапкершілігі міндетті сақтандырылуға жатады.".