Қазақстан Республикасының Үкіметі мен Біріккен Ұлттар Ұйымы арасында Білім, ғылым және мәдениет мәселелері жөнінде (ЮНЕСКО) «Қазақстан Республикасы Алматы облысы, Тамғалы кешенін зерделеу, сақтау және ұстау» жобасы бойынша келісім (Жоба) (2003 ж. 20 маусым)

Жоба

Қазақстан Республикасының Үкіметі мен Бiрiккен Ұлттар Ұйымы арасында
Білім, ғылым және мәдениет мәселелерi жөнiнде (ЮНЕСКО) "Қазақстан
Республикасы Алматы облысы, Тамғалы кешенiн зерделеу, сақтау және
ұстау" жобасы бойынша келісім

ҚР Үкіметінің 20.06.03 ж. № 587 қаулысымен Келісім мақұлданды

Бiрге Тараптар деп аталатын Қазақстан Республикасының Үкіметі (бұдан әрi - "Үкiмет" деп аталатын) мен Бiрiккен Ұлттар Ұйымы Білім, ғылым және мәдениет мәселелерi жөнiнде (бұдан әрi - "ЮНЕСКО" деп аталатын),

Қазақстан Республикасы мен ЮНЕСКО арасындағы ынтымақтастықты нығайту мақсатында өзара қарым-қатынастарды дамытуға және тереңдетуге мүдделiлiктi назарға ала отырып,

Үкiметтiң "Қазақстан Республикасы, Алматы облысының Тамғалы кешенiн зерделеу, сақтау және ұстау" жобасын iске асыруға ЮНЕСКО-дан көмек сұрағанын назарға ала отырып,

ЮНЕСКО-ның Бас директоры Бас конференциямен ЮНЕСКО-ның мақсаттарына, саясатына және iс-қимылына сәйкес келетiн қызметтi жүзеге асыру мақсатында донорлардың мақсатты қаражатын қабылдауға уәкілеттi болғанын басшылыққа ала отырып,

ЮНЕСКО-ның жобаны жүзеге асыруға Үкiметке қайтарымсыз көмек көрсетуге мүмкiндiк беруi ЮНЕСКО-мен Келісім негiзiнде Норвегия Үкіметі ЮНЕСКО үшiн қаржыландыруды ашатындығын ескере отырып, Үкiмет пен ЮНЕСКО төмендегiлер туралы келiстi:

1-бап. Мақсаты мен сипаттамасы

Қазақстан Республикасы, Алматы облысының Тамғалы кешенiн зерделеуге, сақтауға және ұстауға жәрдемдесу мақсатында кешендi ғылыми-мәдени зерттеулер ұйымдастыру, археология объектілерін консервациялау және мұражайландыру жөніндегі шараларды жүзеге асыру, кешендi тұрақты күту мен өңiрде туристiк қызметтi дамыту үшiн тарихи және этно-мәдени ортаны қалпына келтiру және дамыту жолымен осы жоба мынадай әрекеттердi жүзеге асыруды көздейдi:

1) кешендi ғылыми, соның iшiнде археологиялық, тарихи-мәдени, геоморфологиялық, дендрологиялық, ландшафты-топографиялық және басқа да зерттеулер жүргiзу;