Акционерлердің бағалы қағаздарды басымдықпен сатып алу құқықтарын іске асыру жөніндегі ережені бекіту туралы Қазақстан Республикасы Ұлттық Банкі Басқармасының 2003 ж. 25 шілдедегі № 252 қаулысы (ҚР ҚҚА Басқармасының 12.07.04 ж. № 196 қаулысымен енгізілген өзгерістерімен) (күші жойылды)

Акционерлердiң бағалы қағаздарды басымдықпен сатып алу құқықтарын iске
асыру жөніндегі ережені бекіту туралы Қазақстан Республикасы Ұлттық
Банкі Басқармасының 2003 ж. 25 шілдедегі № 252 қаулысы
(ҚР ҚҚА Басқармасының 12.07.04 ж. № 196 қаулысымен
енгізілген өзгерістерімен)

ҚР Қаржы нарығын және қаржы ұйымдарын реттеу мен қадағалау агенттігі Басқармасының 2006.12.08. № 151 қаулысымен күші жойылды

ҚР ҚҚА Басқармасының 12.07.04 ж. № 196 қаулысымен тақырыбы өзгерді (бұр. ред. қара)

"Акционерлік қоғамдар туралы" Қазақстан Республикасы Заңының 16-бабының 2-тармағын iске асыру және акционерлердiң құқықтарын қорғауды қамтамасыз ету мақсатында Қазақстан Республикасы Ұлттық Банкінің Басқармасы қаулы етеді:

ҚР ҚҚА Басқармасының 12.07.04 ж. № 196 қаулысымен 1-тармақ өзгерді (бұр. ред. қара)

1. Акционерлердiң бағалы қағаздарды басымдықпен сатып алу құқығын iске асыру жөніндегі ереже бекітілсiн.

2. Осы қаулы күшiне енгiзiлген күннен бастап Қазақстан Республикасының Бағалы қағаздар жөніндегі ұлттық комиссиясының "Басымдықпен сатып алу құқығын пайдалану жөніндегі ұсынысты акционерлерге ұсыну тәртібі туралы" 1999 жылғы 23 ақпандағы № 23 қаулысының (Қазақстан Республикасының нормативтiк құқықтық актілерін мемлекеттік тiркеу тiзiлiмiнде № 722 тiркелген, 1999 жылғы мамырда "Қазақстанның бағалы қағаздар рыногы" журналында жарияланған, № 5) күшi жойылды деп танылсын.

3. Қаржылық қадағалау департаментi (Бахмутова Е.Л.):

1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;