Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінің (объектілері мен ұрыс алаңдары Қазақстан Республикасының аумағында орналасқан) 929 Мемлекеттік ұшу-сынақ орталығын пайдалану тәртібі туралы Келісім (Мәскеу., 1995 ж. 20 қаңтар) (2015.16.04. берілген өзгерістер мен толықтыруларымен)

Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінiң (объектiлерi мен ұрыс алаңдары Қазақстан Республикасының аумағында орналасқан) 929 Мемлекеттік ұшу-сынақ
орталығын пайдалану тәртібі туралы
 Келісім
(Мәскеу қ., 1995 ж. 20 қаңтар)

(2015.16.04. берілген өзгерістер мен толықтыруларымен)

Келісім 2000 ж. 5 шілдедегі № 80-ІІ Қазақстан Республикасының Заңымен бекітілді

Бұдан былай Тараптар деп аталатын Қазақстан Республикасы мен Ресей Федерациясы,

Қазақстан Республикасы мен Ресей Федерациясы арасындағы 1992 жылғы 25 мамырдағы достық, ынтымақтастық және өзара көмек туралы Шарттың, Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы Шарттың және Қазақстан Республикасы мен Ресей Федерациясы арасындағы 1993 жылғы 22 қаңтардағы сынақ полигондарын пайдалану туралы Келісімнiң ережелерiн негiзге ала отырып,

Тараптардың қауiпсiздiгiн нығайту және экономикасын дамыту мүдделерi үшiн зерттеулер мен пайдалану мақсатында Ресей Федерациясы Қорғаныс министрлігінiң 929 Мемлекеттік ұшу-сынақ орталығын сақтау мен жетiлдiру қажеттiлiгiн мойындай отырып,

төмендегiлер жөнiнде келiстi:

2015 ж. 16 сәуірдегі Хаттамамен 1-бап өзгертілді (бұр.ред.қара)

1-бап

Осы Келісімнiң тақырыбы, әрi қарай Полигон деп аталатын 929 Мемлекеттік ұшу-сынақ полигонының Қазақстан Республикасы аумағында орналасқан объектiлерi, ұрыс алаңдары (жер учаскелерi), Ресей Федерациясының жалға алу жағдайымен жер учаскелерiн, жылжымалы және тұрақты мүлiктi пайдалану шарттары болып табылады. Полигонның жер учаскелерiн беру тәртібі, жылжымалы және тұрақты мүлкiнiң тiзбесi мен құрамы, жалға беру ұзақтығы, жалға беру ақысының мөлшері мен оны енгізу мерзімі, осы Келісімге қол қойылғаннан кейін үш ай мерзім ішінде Тараптардың Үкіметтері арасында жасалатын Полигонды жалға берудің жеке Шартымен анықталады.