«Мемлекеттік емес ғылыми ұйымдарды аккредитациядан өткізу ережесін бекіту туралы» Қазақстан Республикасы Үкіметінің 2003 жылғы 30 сәуірдегі № 421 қаулысын іске асыру туралы Қазақстан Республикасы Білім және ғылым министрінің 2003 ж. 7 қарашадағы № 733 бұйрығы (2009.30.10. берілген өзгерістермен) (күші жойылды)

«Мемлекеттік емес ғылыми ұйымдарды аккредитациядан өткізу ережесін бекіту туралы» Қазақстан Республикасы Үкіметінің 2003 жылғы 30 сәуірдегі № 421 қаулысын іске асыру туралы
Қазақстан Республикасы Білім және ғылым министрінің 2003 ж. 7 қарашадағы № 733 бұйрығы

(2009.30.10. берілген өзгерістермен)

ҚР Білім және ғылым министрінің м.а. 2011 жылғы 15 шілдедегі № 309 Бұйрығымен күші жойылды

«Мемлекеттік емес ғылыми ұйымдарды аккредитациядан өткізу ережесін бекіту туралы» Қазақстан Республикасы Үкіметінің 2003 жылғы 30 сәуірдегі № 421 қаулысын іске асыру мақсатында бұйырамын:

ҚР Білім және ғылым министрінің 25.05.04 ж. № 457 бұйрығымен 1-тармақ өзгертілді (бұр. ред. қара)

1. 1-3, 5-қосымшаға сәйкес мемлекеттік емес ғылыми ұйымдарды аккредитациядан өткізу туралы нұсқаулық, мемлекеттік емес ғылыми ұйымдарды аккредитациядан өткізу үшін қарауға ұсынылатын мемлекеттік емес ғылыми ұйымдарды аккредитациялау туралы құжаттардың үлгі нысандары мен куәлік бекітілсін.

2. Ғылым департаменті (В. Могильный) осы бұйрықты белгіленген тәртіппен Қазақстан Республикасының Әділет министрлігіне мемлекеттік тіркеуге ұсынсын.

3. Бұйрықтың орындалуын бақылау вице-министр Н.Бектұрғановқа жүктелсін.

4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.

Қазақстан Республикасы

Білім және ғылым министрінің

2003 жылғы 7 қарашадағы

№ 733 бұйрығымен бекітілген

№ 1 қосымша

Мемлекеттік емес ғылыми ұйымдарды

аккредитациядан өткізу туралы

Нұсқаулық

1. Жалпы ережелер

1. Мемлекеттік емес ғылыми ұйымдарды аккредитациядан өткізу туралы осы нұсқаулық (бұдан әрі - Нұсқаулық) «Ғылым туралы» Қазақстан Республикасының Заңы мен «Мемлекеттік емес ғылыми ұйымдарды аккредитациядан өткізу ережесін бекіту туралы» Қазақстан Республикасы Үкіметінің 2003 жылғы 30 сәуірдегі № 421 қаулысын іске асыру мақсатында әзірленді.

2. Нұсқаулық мемлекеттік емес ғылыми ұйымдарды аккредитациядан өткізуді нақтылайды (бұдан әрі - Аккредитация).