Қазақстан Республикасы Үкіметінің 1995 жылғы 29 желтоқсандағы № 1880 қаулысына толықтырулар мен өзгерістер енгізу туралы Қазақстан Республикасы Үкіметінің 2004 ж. 3 наурыздағы № 267 қаулысы (күші жойылды)

Қазақстан Республикасы Үкіметінің 1995 жылғы 29 желтоқсандағы № 1880 қаулысына толықтырулар мен өзгерістер енгізу туралы
Қазақстан Республикасы Үкіметінің 2004 ж. 3 наурыздағы № 267 қаулысы

ҚР Үкіметінің 2017 жылғы 27 наурыздағы № 140 Қаулысымен күші жойылды

Қазақстан Республикасының Үкіметі қаулы етеді:

1. «Халықаралық ізгілік көмек мәселелері жөніндегі комиссия туралы» Қазақстан Республикасы Үкіметінің 1995 жылғы 29 желтоқсандағы № 1880 қаулысына (Қазақстан Республикасының ПҮКЖ-ы, 1995 ж., № 41, 512-құжат) мынадай толықтырулар мен өзгерістер енгізілсін:

1) көрсетілген қаулымен бекітілген Халықаралық ізгілік көмек мәселелері жөніндегі комиссия туралы ережеде:

мынадай мазмұндағы 1-1-тармақпен толықтырылсын:

«1.1. Комиссия Қазақстан Республикасы Үкіметінің жанындағы халықаралық ізгілік көмек мәселелері жөніндегі консультативтік-кеңесші орган болып табылады және Үкіметтің құзыретіне жатқызылған мәселелер бойынша ұсыныстар әзірлеу үшін құрылған.»;

2-тармақтың екінші абзацы алынып тасталсын;

3-тармақтағы «келісімдерді, басқа да» деген сөздер алынып тасталсын;

4-тармақтағы «және пайдаланумен» деген сөздер», пайдаланумен және көрсетумен» деген сөздермен ауыстырылсын;

5-тармақтағы «Денсаулық сақтау министрлігі мен Еңбек және халықты әлеуметтік қорғау министрлігі» және «оларға» деген сөздер тиісінше «Экономика және бюджеттік жоспарлау министрлігі» және «оған» деген сөздермен ауыстырылсын;

8-тармақтың екінші абзацы «шетелдік» деген сөздің алдынан «Қазақстан Республикасының ізгілік көмек көрсетуіне және» деген сөздермен толықтырылсын;

9-тармақтың екінші абзацы «халықаралық» деген сөздің алдынан «Қазақстан Республикасына және шетелдік мемлекеттерге» деген сөздермен толықтырылсын;

мынадай мазмұндағы 9-1-тармақпен толықтырылсын:

«9.1. Комиссияның шешімдері ұсынымдық сипатта болады.»;

10-тармақтағы «құқығы бар» деген сөздердің алдынан»;»белгісі қойылып, мынадай мазмұндағы абзацпен толықтырылсын:

«ізгілік көмек көрсету туралы Үкімет кесімін әзірлеу жөнінде Үкіметке ұсыныстар енгізуге»;