2004 жылы жоғары оқу орындарындағы білім алушыларды 2(3)-курстан кейін аралық аттестаттаудан өткізу туралы Қазақстан Республикасы Білім және ғылым министрінің 2004 жылғы 23 сәуірдегі № 351 бұйрығы

2004 жылы жоғары оқу орындарындағы білім алушыларды 2(3)-курстан кейін
аралық аттестаттаудан өткізу туралы Қазақстан Республикасы Білім және
ғылым министрінің 2004 жылғы 23 сәуірдегі № 351 бұйрығы

Қазақстан Республикасы Білім және ғылым министрінің 2004 жылғы 31 наурыздағы № 264 бұйрығымен бекітілген "Қазақстан Республикасының кәсіптік жоғары білім беру ұйымдарындағы білім алушыларға аралық аттестаттауды ұйымдастыру мен өткізудің ережесіне" сәйкес бұйырамын:

1. 2004 жылға бекітілсін:

1) іштей оқу нысанындағы білім алушыларға 2(3)-курстан кейін кешенді тестілеу өткізу үшін даярлау бағыттарының, мамандықтар мен пәндердің тізбесі, қосымша;

2) заң, педагогикалық және экономикалық даярлау бағыттары және мамандықтары бойынша деңгейлік балл тест тапсырмаларының жалпы санының 30 %-дық, ал медициналық мамандықтар үшін - 40%-дық дұрыс жауабына тең болуы.

2. Білім беру мен тестілеудің мемлекеттік стандарттарының ұлттық орталығы (Т.О.Балықбаев) білім алушыларға 2(3) курстан кейін кешенді тестілеу өткізу бекітілген технологияға сәйкес жүргізсін.

3. Білім беруді дамыту стратегиясы және халықаралық ынтымақтастық департаменті (С.Ә.Ырсалиев) осы бұйрықты Қазақстан Республикасының Әділет министрлігіне белгіленген тәртіппен мемлекеттік тіркеуге ұсынсын.

4. Осы бұйрық мемлекеттік тіркеуден өткен күннен бастап күшіне енеді.

5. Осы бұйрықтың орындалуын бақылау бірінші вице-министр Г. Гамарникке жүктелсін.

2004 жылы жоғары оқу орындарындағы

білім алушыларды 2(3)-курстан кейін

аралық аттестаттаудан өткізу туралы"

Қазақстан Республикасы