Қазақстан Республикасының Yкіметі мен Эстония Республикасының Yкіметі арасындағы Мәдени-гуманитарлық саладағы ынтымақтастықты дамыту туралы келісім (Астана қ., 2004 ж. 2 маусым)

Қазақстан Республикасының ?кіметi мен Эстония Республикасының ?кіметі
арасындағы Мәдени-гуманитарлық саладағы ынтымақтастықты дамыту туралы
келісім
(Астана қ., 2004 ж. 2 маусым)

ҚР Үкіметінің 2006.11.04. № 267 қаулысымен бекітілді

Қазақстан Республикасының Yкіметі мен Эстония Республикасының Үкіметі (бұдан әрі - Тараптар),

бостандықтың, демократияның, заң үстемдігінің, адам құқықтарын сыйлаудың, ар-ұждан және дінге сенім бостандығының, дербестігін таныту еркіндігінің құндылықтарын ұстануды дәлелдей отырып,

мәдени-гуманитарлық саладағы ынтымақтастық Тараптар мемлекеттері халықтарының арасында достық пен өзара түсіністікті дамытуға ықпал ететіндігіне сенім білдіре отырып,

мына төмендегілер туралы келісті:

1-бап

Тараптар жеке тұлғаны сыйлау, сөз бостандығын, дін мен ар-ұжданның, заңның басымдылығы, рухани және мәдени құндылықтарды тану негізінде мәдени-гуманитарлық байланыстарды дамытуға және тереңдетуге ерекше мән беретін болады.

2-бап

Тараптар осы Келісімнің мақсаттарына жетуге және Тараптар мемлекеттерінің халықтарын өзара жақындастыруға ықпал ететін, мемлекеттік, қоғамдық және жеке институттар, ұйымдар мен бірлестіктер арасындағы жан-жақты ынтымақтастықтың бастамалары мен нысандарын қолдайтын болады.

3-бап

Мәдени ынтымақтастықты дамыту мен нығайту мақсатында Тараптар өзаралық қағидаттар негізінде:

- мәдениет, әдебиет және өнер қайраткерлерімен, көркем және шығармашылық ұжымдармен, әртістермен алмасуды;

- мәдениет пен өнер фестивальдерін, көркемдік көрмелерді ұйымдастыру мен өткізуді;

- театр және музыкалық шығармаларды қою мен орындауды;

- мұражай ісі мен тарихи-мәдени мұраны сақтау саласындағы ынтымақтастықты;

- әдеби шығармаларды, музыкалық жазбалар мен партитураларды аудару мен жариялауды;

- кино өнері саласындағы ынтымақтастықты, кинофестивальдер өткізуді, сондай-ақ бірлесіп фильм шығаруды;