Қазақ ССР Жоғарғы Соты Пленумының «Әке болуды анықтау және әке болуды тану фактілері жөніндегі сот тәжірибесі туралы» 1971 жылғы 30 қыркүйектегі № 7 қаулысына (Пленумның 1983 жылғы 29 наурыздағы № 3 қаулысымен енгізілген өзгерістерімен бірге) өзгерістер мен толықтырулар енгізу туралы Қазақстан Республикасы Жоғарғы Сотының 2004 жылғы 18 маусымдағы № 6 Нормативтік қаулысы (күші жойылды)

Қазақ ССР Жоғарғы Соты Пленумының «Әке болуды анықтау және әке болудытану фактілері жөніндегі сот тәжірибесі туралы» 1971 жылғы 30
қыркүйектегі № 7 қаулысына (Пленумның 1983 жылғы 29 наурыздағы № 3қаулысымен енгізілген өзгерістерімен бірге) өзгерістер мен толықтырулар
енгізу туралы Қазақстан Республикасы Жоғарғы Сотының 2004 жылғы 18маусымдағы № 6 Нормативтік қаулысы

ҚР Жоғарғы Сотының 2018 жылғы 29 қарашадағы № 16 Нормативтік қаулысымен күші жойылды

Қазақстан Республикасы заңнамасының өзгеруіне байланысты Қазақстан Республикасы Жоғарғы Сотының жалпы отырысы қаулы етеді:

1. Қазақ ССР Жоғарғы Соты Пленумының «Әке болуды анықтау және әке болуды тану фактілері жөніндегі сот тәжірибесі туралы» 1971 жылғы 30 қыркүйектегі № 7 қаулысына мынадай өзгерістер мен толықтырулар енгізілсін:

1) қаулының атауындағы «Қазақ ССР Жоғарғы Соты Пленумының қаулысы» деген сөздер «Қазақстан Республикасы Жоғарғы Сотының нормативтік қаулысы» деген сөздермен ауыстырылсын;

2) кіріспе мынадай редакцияда жазылсын:

«Неке және отбасы туралы» Қазақстан Республикасы Заңының (бұдан әрі - Заң) нормаларын сот тәжірибесінде дұрыс және біркелкі қолдану мақсатында Қазақстан Республикасы Жоғарғы Сотының жалпы отырысы қаулы етеді:»;

3) 1-тармақ мынадай редакцияда жазылсын:

«1. Әке болуды анықтау және әке болуды тану фактілері жөніндегі мәселелерді реттейтін құқықтық нормалардың қатаң орындалу қажеттілігіне соттардың назары аударылсын.»;

4) 2-тармақта:

а) тармақша мынадай редакцияда жазылсын:

«а) Заңның 47-бабына сәйкес әке болуды анықтау жөніндегі талап арызды екі ата-ана: анасы, сондай-ақ баланың әкесі, қорғаншы немесе баланы асырап отырған адам, сондай-ақ баланың кәмелет жасына толуына байланысты оның өзі ұсынуы мүмкін.

Соттар баланың нақты адамнан туу тегін анық растайтын дәлелдемелерге (бірге тұру, бала туғанға дейін ортақ шаруашылық жүргізу, өздерінің балаларын бірге тәрбиелеуі немесе олардың баланы асырауы, сарапшылардың қорытындысы және басқалар) назар аударуы қажет.