Қазақстан Республикасының кейбір заң актілеріне мемлекеттік құпияларды қорғау мәселелері бойынша өзгерістер мен толықтырулар енгізу туралы Қазақстан Республикасының Заңы (Жоба) (2004 ж. 29 қазан) (күші жойылды)

Жоба

Қазақстан Республикасының кейбір заң актілеріне мемлекеттік құпияларды
қорғау мәселелерi бойынша өзгерістер мен толықтырулар енгізу туралы
Қазақстан Республикасының Заңы

ҚР Үкіметінің 2005 ж. 29 наурыздағы № 272 қаулысымен Заңның жобасы Қазақстан Республикасының Парламентiнен қайтарылды

1-бап. Қазақстан Республикасының мынадай заң актілеріне өзгерістер мен толықтырулар енгiзiлсiн:

1. Қазақстан Республикасының 1997 жылғы 16 шiлдедегi Қылмыстық Кодексiне (Қазақстан Республикасы Парламентiнiң Жаршысы, 1997 ж., № 15-16, 211-құжат; 1998 ж., № 16, 219-құжат; № 17-18, 225-құжат; 1999 ж., № 20, 721-құжат; № 21, 774-құжат; 2000 ж., № 6, 141-құжат; 2001 ж., № 8, 53, 54-құжаттар; 2002 ж., № 4, 32, 33-құжаттар; № 10, 106-құжат; № 17, 155-құжат; № 23-24, 192-құжат; 2003 ж., № 15, 137-құжат; № 18, 142-құжат; 2004 ж., № 5, 22-құжат; 2004 жылғы 27 шiлдеде «Егемен Қазақстан» және 2004 жылғы 15 шiлдеде «Казахстанская правда» газеттерiнде жарияланған «Қазақстан Республикасының кейбір заң актілеріне сайлау заңдары мәселелерi бойынша өзгерістер мен толықтырулар енгізу туралы» Қазақстан Республикасының 2004 жылғы 9 шiлдедегi Заңы):

1) 172-бапта:

екiншi бөлiк мынадай редакцияда жазылсын:

«2. Адамның өзiне сенiп тапсырылған немесе қызмет немесе жұмыс бабында мәлiм болған мемлекеттік құпияларды құрайтын мәлiметтердi жария етуi, мемлекетке опасыздық белгiлерi болмаған жағдайда -

екі жүзден бес жүзге дейiнгi айлық есептiк көрсеткiш мөлшерiнде немесе сотталған адамның екі айдан бес айға дейiнгi кезеңдегi жалақысы немесе басқа табысы мөлшерiнде айыппұл салуға, не үш айдан алты айға дейiнгi мерзiмге қамауға алуға немесе үш жылға дейiнгi мерзiмге белгiлi бір лауазымдарда болу немесе белгiлi бір қызметпен айналысу құқығынан айыра отырып немесе онсыз үш жылға дейiнгі мерзiмге бас бостандығынан айыруға жазаланады.»;

үшiншi бөлiк алынып тасталсын;

2) 173-бапта:

бiрiншi бөлiктегi «мемлекеттік құпиясы», «мемлекеттік құпияны» деген сөздер тиiсiнше «мемлекеттік құпиялары», «мемлекеттік құпияларды» деген сөздермен ауыстырылсын;

екiншi бөлiк алынып тасталсын;

3) 386-бап алынып тасталсын.