Адамның және азаматтың конституциялық құқықтары мен бостандықтарын қорғау жүйесін одан әрі жетілдіру туралы Қазақстан Республикасы Президентінің Жарлығы (Жоба) (2004 жылғы 18 қазан)

Жоба

Адамның және азаматтың конституциялық құқықтары мен бостандықтарын
қорғау жүйесін одан әрі жетiлдiру туралы
Қазақстан Республикасы Президентінің Жарлығы

ҚР Үкіметінің 18.10.04 ж. № 1068 қаулысымен Жарлықтың жобасы Қазақстан Республикасы Президентінің қарауына енгізiлдi

ҚАУЛЫ ЕТЕМIН:

1. Қазақстан Республикасы Президентінің жанындағы Адам құқықтары жөніндегі комиссия таратылсын.

2. Қазақстан Республикасы Президентінің мынадай актілеріне толықтырулар мен өзгерістер енгізiлсiн:

1) Қазақстан Республикасы Президентінің "Адам құқықтары жөніндегі уәкiл қызметiн белгiлеу туралы" 2002 жылғы 19 қыркүйектегі № 947 Жарлығына (Қазақстан Республикасының ПYАЖ-ы, 2002 ж., № 30, 328-құжат):

аталған Жарлықпен бекітілген Адам құқықтары жөнiндегі уәкiл туралы ережеде:

"Уәкiлдiң құзыреті және оны iске асыру тәртібi" деген 3-бөлімнiң 15-тармағында:

мынадай мазмұндағы 2-1), 2-2), 2-3) және 2-4) тармақшалармен толықтырылсын:

"2-1) адамның және азаматтың бұзылған құқықтары мен бостандықтарын қорғау мақсатында Қазақстан Республикасының заңнамасында белгiленген тәртiппен iстi сотта қарауда қатысуға;

2-2) Қазақстан Республикасының заңнамасында белгіленген тәртіппен сотқа немесе прокуратураға заңды күшіне енген сот шешiмiн, үкімін, ұйғарымын немесе қаулысын тексеру туралы өтінiшпен жүгінуге;