Қазақстан Республикасының Үкіметі мен Еуропалық қоғамдастық арасындағы 2002 жылғы 22 шілдедегі Қазақстан Республикасының Үкіметі мен Еуропалық көмір және болат бойынша бірлестік арасындағы Болаттан жасалатын белгілі бір бұйымдармен сауда жөніндегі келісімге Өзгерістер енгізу туралы келісім (Жоба) (2004 ж. 3 қараша)

Жоба

Қазақстан Республикасының Үкіметі мен Еуропалық қоғамдастық
арасындағы 2002 жылғы 22 шiлдедегi Қазақстан Республикасының
Үкіметі мен Еуропалық көмiр және болат бойынша бiрлестiк
арасындағы Болаттан жасалатын белгiлi бiр бұйымдармен сауда
жөнiндегі келісімге Өзгерістер енгізу туралы келісім Жоба

ҚР Үкіметінің 03.11.04 ж. № 1143 қаулысымен мақұлданды

Қазақстан Республикасының Үкіметі бiр тараптан және Еуропалық қоғамдастық екiншi тараптан,

осы Келісімнің Тараптары бола отырып,

Тараптар Қазақстан мен Еуропалық қоғамдастық арасындағы болат саудасын ұйымдасқан түрде және әдiл дамытуға жәрдемдесуге ұмтылатын фактiсiн назарға ала отырып;

1995 жылғы 23 қаңтардағы бір тараптан Қазақстан Республикасы және екiншi тараптан Еуропалық қоғамдастық пен оның мүше мемлекеттерi арасындағы әріптестік орнатқан Әріптестік және ынтымақтастық туралы келісімнің 1999 жылғы 1 шiлдеде күшiне енгендiгі фактiсiн назарға ала отырып; P011765

Әрiптестiк және ынтымақтастық туралы келісімнiң 17 (1) бабы Еуропалық көмiр және болат бойынша бiрлестiк бұйымдарының саудасы оның 11-бабын қоспағанда, Әріптестiк және ынтымақтастық туралы келісімнің III бөлімiмен және Келісімнiң ережелерiмен реттелетіндiгін көздейтiн фактiсiн назарға ала отырып;

Қазақстан Республикасының Үкіметі мен Еуропалық көмiр және болат бойынша бiрлестiк арасындағы 2002 жылғы 22 шiлдеде болаттан жасалатын белгiлi бiр бұйымдардың саудасы жөніндегі келісімнiң (бұдан әрi - Келісім) ережелерiн басшылыққа ала отырып;

Еуропалық көмiр және болат бойынша бiрлестік туралы келісімнiң қолданылу мерзiмi 2002 жылғы 23 шілдеде аяқталғандығы және Еуропалық қоғамдастық Еуропалық көмір және болат бойынша бiрлестiктің барлық құқықтары мен міндеттемелерiн өзiне алғандығы фактiсiн назарға ала отырып;

Келісімнiң 11 (2) бабына сәйкес келісімнiң ұзартылатынына, ал осы Келісім шеңберiнде Тараптардың барлық құқықтары мен мiндеттемелерi оның қолданылу мерзiмi аяқталғаннан кейiн оның күші сақталатындығына Тараптардың келiскендігі фактісін назарға ала отырып;