(БҰРЫНҒЫ РЕДАКЦИЯ)

"Республикалық телекоммуникациялық тарифтік биллинг орталығы

(ТТБ-Орталық)" шаруашылық жүргізу құқығындағы республикалық

мемлекеттік кәсіпорнының жарғылық капиталын қалыптастыру туралы

Қазақстан Республикасы Үкіметінің 2000 жылғы 14

қаңтардағы N 74 қаулысы

Осы редакция ҚР Үкіметінің 2004 ж. 24 қарашадағы N 1232 қаулысымен енгізілген өзгерістеріне дейін қолданылды

"Республикалық телекоммуникациялық тарифтік биллинг орталығы (ТТБ-Орталық)" шаруашылық жүргізу құқығындағы республикалық мемлекеттік кәсіпорнын құру туралы" Қазақстан Республикасы Үкіметінің 1999 жылғы 25 қарашадағы N 1787 қаулысын іске асыру мақсатында Қазақстан Республикасының Үкіметі қаулы етеді:

1. Қазақстан Республикасының Көлік және коммуникациялар министрлігі заңдарда белгіленген тәртіппен "Республикалық телекоммуникациялық тарифтік биллинг орталығы (ТТБ-Орталық)" шаруашылық жүргізу құқығындағы республикалық мемлекеттік кәсіпорнының 7 250 000 (жеті миллион екі жүз елу мың) теңге мөлшерінде жарғылық капиталын қалыптастырсын.

2. Қазақстан Республикасының Қаржы министрлігі Қазақстан Республикасының Көлік және коммуникациялар министрлігіне Қазақстан Республикасы Yкiметiнің 2000 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген резервiнен "Республикалық телекоммуникациялық тарифтік биллинг орталығы (ТТБ-Орталық)" шаруашылық жүргізу құқығындағы республикалық мемлекеттік кәсіпорнының жарғылық капиталын қалыптастыру үшін қажетті 7 250 000 (жеті миллион екі жүз елу мың) теңге мөлшерінде қаражат бөлсін.

2-тармақ өзгерді - ҚР Үкіметінің 2000.04.06. N 513 қаулысымен.

3. "Қазақстан Республикасының Көлік және коммуникациялар министрлігінің мәселелері" туралы Қазақстан Республикасы Үкіметінің 1999 жылғы 20 қарашадағы N 1756 қаулысына мынадай толықтыру енгізілсін:

көрсетілген қаулымен бекітілген Қазақстан Республикасының Көлік және коммуникациялар министрлігі туралы ережеде:

10-тармақ мынадай мазмұндағы 8) тармақшамен толықтырылсын:

"8) халықаралық графикті есепке алуды жүзеге асыру".

4. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі