(БҰРЫНҒЫ РЕДАКЦИЯ) АЛМАТЫ ҚАЛАСЫ ..14.08.01 Ж. № 1/125 ҚАУЛЫСЫ

Тұрақты жұмыс істейтін комиссия туралы Алматы қаласы әкімшілігінің

2001 ж. 14 тамыздағы N 1/125 қаулысы

Осы редакция Алматы қаласы әкімшілігінің 2003 ж. 13 наурыздағы N 1/147 қаулысымен енгізілген өзгерістеріне дейін қолданылды

Қазақстан Республикасы Президентінің 2001 жылғы 11 сәуірдегі N 370қ Жарлығына сәйкес және Қазақстан Республикасы Үкіметінің 2001 жылғы 15 мамырдағы "Қазақстан Республикасының мемлекеттік құпияларын қорғау үшін тұрақты жұмыс істейтін комиссия жөніндегі Үлгі ережені бекіту туралы" N 638 Қаулысын орындау үшін Алматы қаласының Әкімшілігі

ҚАУЛЫ ЕТЕДІ:

1. Қала Әкімі аппаратының жанынан Қазақстан Республикасының мемлекеттік құпияларын қорғау жөніндегі ереженің талаптарын орындайтын тұрақты жұмыс істейтін комиссия құрылсын (N 1 қосымша).

2. Комиссия Қазақстан Республикасы Үкіметінің 2001 жылғы 15 мамырдағы N 638 Қаулысымен бекітілген "Қазақстан Республикасының мемлекеттік құпияларын қорғау үшін тұрақты жұмыс істейтін комиссия туралы Үлгі ережені" қатаң басшылыққа алсын.