Екінші деңгейдегі банктердің Қаржы нарығын және қаржы ұйымдарын реттеу мен қадағалау жөніндегі уәкілетті органына күн сайынғы және ай сайынғы баланстарды беру мерзімдері туралы Қазақстан Республикасы Ұлттық Банкі Басқарамасының 2002 ж. 29 желтоқсандағы № 532 қаулысы (ҚР ҚҚА Басқармасының 2004.25.10. № 304 қаулысымен енгізілген өзгерістерімен) (күші жойылды)

Екінші деңгейдегі банктердің Қаржы нарығын және қаржы ұйымдарын реттеу
мен қадағалау жөніндегі уәкілетті органына күн сайынғы және ай сайынғы
баланстарды беру мерзімдері туралы Қазақстан Республикасы Ұлттық Банкі
Басқарамасының 2002 ж. 29 желтоқсандағы № 532 қаулысы
(ҚР ҚҚА Басқармасының 2004.25.10. № 304 қаулысымен енгізілген өзгерістерімен)

ҚР ҚҚА Басқармасының 2004.27.12. № 388 қаулысымен күші жойылды

ҚР ҚҚА Басқармасының 2004.25.10. № 304 қаулысымен атауы өзгертілді (бұр. ред. қара)

Қазақстан Республикасының банк заңдарын, сондай-ақ банктердің қаржылық тұрақтылығын қамтамасыз етуге, олардың депозиторларының мүдделерін қорғауға бағытталған банктерді қадағалау рәсімдерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

ҚР ҚҚА Басқармасының 2004.25.10. № 304 қаулысымен 1-тармақ өзгертілді (бұр. ред. қара)

1. Екінші деңгейдегі банктердің Қаржы нарығын және қаржы ұйымдарын реттеу мен қадағалау жөніндегі уәкілетті орган (бұдан әрі - уәкілетті орган) баланстарды берудің мынадай мерзімдері белгіленсін:

1) күн сайынғы баланстар - есеп берілетін күннен кейінгі екі жұмыс күнінен кешіктірмей, ай сайынғы баланстар - есеп берілетін айдың соңғы күнінен кейінгі үш жұмыс күнінен кешіктірмей беріледі;

2) он және одан да көп филиалдары бар банктер күн сайынғы баланстарды есеп берілетін күннен кейінгі үш жұмыс күнінен кешіктірмей, ай сайынғы баланстарды - есеп берілетін айдың соңғы күнінен кейінгі бес жұмыс күнінен кешіктірмей береді.

ҚР ҚҚА Басқармасының 2004.25.10. № 304 қаулысымен 2-тармақ өзгертілді (бұр. ред. қара)

2. Күн сайынғы және ай сайынғы баланстардың нысандары уәкілетті органмен белгіленеді.