Кеден органдарының кедендік төлемдер мен салықтардың төленуін қамтамасыз етуді қолдануының ережесін бекіту туралы Қазақстан Республикасы Кедендік бақылау агенттігі төрағасының 2003 ж. 13 мамырдағы № 199 бұйрығы (2004.27.05 берілген өзгірістерімен) (күші жойылды)

Кеден органдарының кедендiк төлемдер мен салықтардың төленуiн қамтамасыз
етудi қолдануының ережесін бекіту туралы Қазақстан Республикасы Кедендік
бақылау агенттігі төрағасының 2003 ж. 13 мамырдағы № 199 бұйрығы

(2004.27.05. берілген  өзгірістерімен)

ҚР  Қаржы министрлігі Кеден бақылау комитеті төрағасының м.а. 2007 ж. 20 қыркүйектегі № 273 бұйрығымен күші жойылды

Қазақстан Республикасы Кеден кодексiнiң 339-бабының 3-тармағын iске асыру мақсатында БҰЙЫРАМЫН:

1. Қоса берiлiп отырған Кеден органдарының кедендiк төлемдер мен салықтардың төленуiн қамтамасыз етудi қолдануының epeжeci бекітілсiн.

2. Қазақстан Республикасы Кедендiк бақылау агенттiгiнiң Құқықтық қамтамасыз ету басқармасы (И.Ы.Аңсарова) осы бұйрықтың Қазақстан Республикасының Әдiлет министрлігінде мемлекеттік тiркелуiн қамтамасыз етсiн.

3. Қазақстан Республикасы Кедендiк бақылау агенттiгiнiң баспасөз қызметi осы бұйрықтың бұқаралық ақпарат құралдарында жариялануын қамтамасыз етсiн.

4. Осы бұйрықтың орындалуын бақылау Қазақстан Республикасының Кедендiк бақылау агенттiгi төрағасының орынбасары С.Ж.Мулкинге жүктелсiн.

5. Осы бұйрық Қазақстан Республикасының Әдiлет министрлігінде мемлекеттік тiркелген күнiнен бастап күшiне енедi.

Қазақстан Республикасы

Кедендiк бақылау агенттiгi

төрағасының

2003 жылғы 13 мамырдағы

№ 199 бұйрығымен

Бекiтiлген

Кеден органдарының кедендiк төлемдер мен салықтардың

төленуiн қамтамасыз етудi қолдануының ережесi

1. Жалпы ережелер

1. Осы Ереже Қазақстан Республикасы Кеден кодексiнiң (бұдан әрi - Кеден кодексi) 339-бабының 3-тармағына сәйкес әзiрлендi және кеден органдарының кедендiк төлемдер мен салықтардың төленуiн қамтамасыз етудi қолдануының тәртібін белгiлейдi.

2. Кедендiк төлемдер мен салықтардың төленуiн қамтамасыз ету:

1) кепiл;

2) банктiң кепiлдемесi;

3) тиесiлi соманы кеден органының депозиттiк шотына енгізу;

4) сақтандыру шарты түрiнде ұсынылуы мүмкiн.