| ||||||||||||||||||||
|
|
|
Ұлы Отан соғысының қатысушылары мен мүгедектерiне біржолғы көмек (2005.02.08. берілген өзгерістер)
"2005 жылға арналған республикалық бюджет туралы" Қазақстан Республикасының Заңын және Қазақстан Республикасы Yкіметінiң 2004 жылғы 10 қарашадағы № 1173 қаулысымен бекітілген 1941-1945 жылдардағы Ұлы Отан соғысы Жеңiсiнiң 60 жылдығын мерекелеуге дайындық және оны өткізу жөніндегі iс-шаралар жоспарын iске асыру мақсатында Қазақстан Республикасының Yкіметі ҚАУЛЫ ЕТЕДI: 1. 2005 жылға арналған республикалық бюджетте Ұлы Отан соғысының мүгедектерi мен қатысушыларына бiржолғы көмек (бұдан әрі бiржолғы көмек) төлеуге 1109618,0 (бiр миллиард бiр жүз тоғыз миллион алты жүз он сегiз) мың теңге сомасында көзделген қаражат облыстық бюджеттерге, Астана және Алматы қалаларының бюджеттерiне қосымшаға сәйкес бөлiнсiн. 2. Қоса берiлiп отырған Ұлы Отан соғысының қатысушылары мен мүгедектерiне бiржолғы көмек төлеуге берiлетiн ағымдағы нысаналы трансферттердi жергiлiктi атқарушы органдардың пайдалану ережесi (бұдан әрi - Ереже) бекітілсiн. 3. Облыстардың, Астана және Алматы қалаларының әкiмдерi 2005 жылғы 20 желтоқсанға дейiнгi мерзiмде бiржолғы көмек төлеудi қамтамасыз етсiн. 4. Қазақстан Республикасы Қаржы министрлігі нысаналы трансферттердiң пайдаланылуын бақылауды қамтамасыз етсiн. 5. Осы қаулы 2005 жылғы 1 қаңтардан бастап күшіне енедi. Қазақстан Республикасы Премьер-Министрінің
ҚР Үкіметінің 2005.02.08. № 807 қаулысымен қосымша өзгертілді (бұр.ред.қара) (ресми жарияланғаннан кейін он күнтізбелік күн өткен соң қолданысқа енгізіледі)
Қазақстан Республикасы Үкіметінің 2004 жылғы 31 желтоқсандағы № 1468 қаулысына қосымша Ұлы Отан соғысының қатысушылары мен мүгедектерiне біржолғы көмек төлеуге берілетін ағымдағы нысаналы трансферттерді бөлу
Үкіметінiң 2004 жылғы 31 желтоқсандағы № 1468 қаулысымен бекітілген Ұлы Отан соғысының қатысушылары мен мүгедектерiне біржолғы көмек төлеуге берілетін ағымдағы нысаналы трансферттердi жергілiктi атқарушы органдардың пайдалану ережесi Осы Ереже 2005 жылға арналған республикалық бюджетте Ұлы Отан соғысының қатысушылары мен мүгедектерiне (бұдан әрi - соғысқа қатысушылар) бiржолғы көмек төлеуге көзделген ағымдағы нысаналы трансферттердi облыстардың, Астана және Алматы қалаларының жергiлiктi атқарушы органдарының (бұдан әрi - жергілiкті атқарушы органдар) пайдалану тәртібін айқындайды. 1. Қазақстан Республикасы Еңбек және халықты әлеуметтiк қорғау министрлiгі (бұдан әрi - Министрлiк) төлеуге берiлетiн шот негiзiнде және Қазақстан Республикасы Қаржы министрлігі ұсынған деректемелер бойынша 2005 жылғы 15 сәуiрге дейiнгi мерзiмде облыстар, Астана және Алматы қалалары бойынша бекітілген ағымдағы нысаналы трансферттердiң жалпы сомасын бөлуге сәйкес және 018 "Облыстық бюджеттерге, Астана және Алматы қалаларының бюджеттерiне Ұлы Отан соғысының қатысушылары мен мүгедектерiне бiржолғы көмек төлеу үшін берілетiн ағымдағы нысаналы трансферттер" республикалық бюджеттік бағдарламасын қаржыландырудың белгiленген тәртiппен бекiтілген жоспарына сәйкес жергiлiктi атқарушы органдарға соғысқа қатысушыларға бiржолғы көмек төлеуге арналған қаражатты аударады. 2. Жергілiктi бюджеттік бағдарламаларды iске асыруды жергiлiктi атқарушы органдар бюджеттік заңнамаға сәйкес жүргізедi. 3. "Қазақстан Республикасы Еңбек және халықты әлеуметтiк қорғау министрлігінiң Зейнетақы төлеу жөніндегі мемлекеттік орталығы" республикалық мемлекеттік қазыналық кәсiпорнының филиалдары (бұдан әрi Орталықтың филиалдары) облыстардың, Астана және Алматы қалаларының әкiмдерiне 2005 жылғы 1 сәуiрге дейiнгі мерзiмде 2005 жылғы 31 наурыздағы жағдай бойынша Орталықтан әлеуметтiк төлемдер алатын соғысқа қатысушылардың тiзiмдерiн, 2005 жылғы 15 желтоқсанға дейiн - жаңадан келген соғысқа қатысушылардың тiзiмдерiн қалалар мен аудандар бөлiнiсiнде қосымшаға сәйкес электрондық және қағаз жеткiзгiшпен бередi. 4. Қорғаныс, Iшкi iстер министрлiктерi, Ұлттық қауiпсiздiк комитетi (келісім бойынша), Республикалық ұлан (келісім бойынша), Қазақстан Республикасы Президентінің Күзет қызметi (келісім бойынша) облыстардың, Астана және Алматы қалаларының әкiмдерiне 2005 жылғы 1 сәуiрге дейiнгі мерзiмде 2005 жылғы 31 наурыздағы жағдай бойынша көрсетiлген органдарда есепте тұрған соғысқа қатысушылардың тiзiмдерiн, 2005 жылғы 15 желтоқсанға дейiн - жаңадан келген соғысқа қатысушылардың тiзiмдерiн қалалар мен аудандар бөлiнiсiнде қосымшаға сәйкес электрондық және қағаз жеткiзгiшпен жiбередi. 5. Облыстардың, Астана және Алматы қалаларының әкімдерi: бiржолғы көмек төлеу үшін соғысқа қатысушылардың тiзiмдерiн 3, 4-тармақтарда көрсетiлген органдар ұсынған тiзiмдердi ескере отырып, жасайды; жасалған тiзiмдер негiзiнде бiржолғы көмек төлеудi соғысқа қатысушылардың әрқайсысына 30000 теңге мөлшерiнде, банктiк операцияларды жүзеге асыруға тиiстi лицензиясы бар ұйымдарда, сондай-ақ олардың "Қазпочта" акционерлік қоғамында зейнетақылар мен жәрдемақыларды есепке алу үшiн ашылған жеке шоттарына қаражат аудару жолымен 2005 жылғы 30 сәуiрге дейiнгi мерзiмде, 2005 жылғы 30 сәуiрден кейiн жаңадан келген, бұрынғы тұрған жерi бойынша бұрын бiржолғы көмек алмаған соғысқа қатысушыларға - 2005 жылғы 20 желтоқсанға дейiн жүзеге асырады. 6. Банктiк операцияларды жүзеге асыруға тиiстi лицензиясы бар ұйымдарға, "Қазпочта" акционерлік қоғамының органдарына бiржолғы көмек төлеу жөнiндегі қызметтерге ақы төлеу көрсетілген ұйымдар мен жергiлiктi атқарушы органдар арасында заңнамада белгіленген тәртiппен жасалған шарт негiзiнде жүргiзіледi. 7. Жергiлiктi атқарушы органдар соғысқа қатысушыларға бiржолғы көмек төлеу туралы Министрлiктi 2005 жылғы 2 мамырға дейiнгi мерзiмде, 2005 жылғы 25 желтоқсанға дейiн - жаңадан келген, бұрын тұрған жерi бойынша бiржолғы көмек алмаған соғысқа қатысушыларға бiржолғы көмек төлеу туралы хабардар етедi. Ұлы Отан соғысының қатысушылары мен мүгедектерiне бiржолғы көмек төлеуге берiлетiн ағымдағы нысаналы трансферттердi жергiлiктi атқарушы органдардың пайдалану ережесiне қосымша Ұлы Отан соғысының қатысушылары мен мүгедектерi iшiнен бiржолғы көмек алушылардың тiзiмдерi
M.O.____________________________ (Басшының Т.А.Ә. және қолы)
Доступ к документам и консультации
от ведущих специалистов |
|||||||||||||||||||||||||||||||||||||