«Қазақстан Республикасы Yкіметінің 2005 жылғы 2 наурыздағы № 197 қаулысына өзгерістер мен толықтырулар енгізу туралы» Қазақстан Республикасы Үкіметінің 2006 жылғы 21 тамыздағы № 790 Қаулысы (күші жойылды)

Қазақстан Республикасы Yкіметінің 2005 жылғы 2 наурыздағы № 197 қаулысына өзгерістер мен толықтырулар енгізу туралы
Қазақстан Республикасы Үкіметінің 2006 жылғы 21 тамыздағы № 790 Қаулысы

ҚР Үкіметінің 2010 жылғы 20 мамырдағы № 453 Қаулысымен; ҚР Үкіметінің 2010 жылғы 12 маусымдағы № 558 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Техникалық реттеу жүйесіне көшуді жүзеге асыруға арналған ведомствоаралық комиссия құру туралы» Қазақстан Республикасы Үкіметінің 2005 жылғы 2 наурыздағы № 197 қаулысына мынадай өзгерістер мен толықтырулар енгізілсін:

көрсетілген қаулыға қосымшада:

Техникалық реттеу жүйесіне көшуді жүзеге асыруға арналған ведомствоаралық комиссияның құрамына мыналар енгізілсін:

көрсетілген құрамнан Mыңбаев Сауат Мұхаметбайұлы, Құсайынов Әбілғазы Қалиақпарұлы, Жұмағалиев Асқар Куанышұлы, Байсеркин Бауыржан Сәтжанұлы, Ермұханов Әділша Мағрыпұлы, Боярина Людмила Васильевна, Пирогов Алексей Георгиевич шығарылсын;

көрсетілген қаулымен бекітілген Техникалық реттеу жүйесіне көшуді жүзеге асыруға арналған ведомствоаралық комиссия туралы ережеде:

7-тармақта «жүзеге асырады» деген сөздерден кейін «және қолданыстағы заңнамаға сәйкес Комиссия жүзеге асыратын қызметке дербес жауап береді, сондай-ақ салааралық, ведомствоаралық үйлестіруді жүзеге асырады» деген сөздермен толықтырылсын;

8-тармақ мынадай мазмұндағы сөйлеммен толықтырылсын:

«Хатшы Комиссияның мүшесі болып табылмайды»;

10-тармақтың 2) тармақшасы мынадай редакцияда жазылсын:

«2) Комиссия отырыстарының өткізілу нәтижелері бойынша барлық мүшелері міндетті түрде қол қоятын хаттама жасалады.».

2. Осы қаулы қол қойылған күнінен бастап қолданысқа енгізіледі.