«Қазақстан Республикасы Үкіметінің 2005 жылғы 15 қазандағы № 1036 қаулысына өзгерістер мен толықтыру енгізу туралы» Қазақстан Республикасы Үкіметінің 2008 жылғы 28 қаңтардағы № 75 Қаулысы (күші жойылды)

Қазақстан Республикасы Үкіметінің 2005 жылғы 15 қазандағы № 1036 қаулысына өзгерістер мен толықтыру енгізу туралы
Қазақстан Республикасы Үкіметінің 2008 жылғы 28 қаңтардағы № 75 Қаулысы

ҚР Үкіметінің 2013 жылғы 31 желтоқсандағы № 1598 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасының кедендік аумағынан мұнайдан жасалған тауарларды әкету кезінде кедендік баждарды алу туралы» Қазақстан Республикасы Үкіметінің 2005 жылғы 15 қазандағы № 1036 қаулысына (Қазақстан Республикасының ПҮАЖ-ы, 2005 ж., № 38, 533-құжат) мынадай өзгерістер мен толықтыру енгізілсін:

1) 2-тармақта:

«ай сайын» деген сөздер «тоқсан сайын» деген сөздермен ауыстырылсын;

«есептіден» деген сөзден кейін «тоқсаннан» деген сөзбен толықтырылсын және «есептіден» деген сөз «есепті» деген сөзбен ауыстырылсын;

2) көрсетілген қаулымен бекітілген Қазақстан Республикасының кедендік аумағынан әкетілетін мұнайдан жасалған тауарларға кедендік баж ставкаларын есептеу ережесінде:

3-тармақта «әрбір күнтізбелік айда» деген сөздер «әрбір есепті тоқсанның қорытындылары бойынша» деген сөздермен ауыстырылсын;

көрсетілген Ережеге 2-қосымшада тақырыбында «айындағы» деген сөз «тоқсанындағы» деген сөзбен ауыстырылсын;

3) көрсетілген қаулыға қосымшада:

«Баж ставкасы (1000 кг үшін доллармен)» деген бағанда «83,3», «55,5» деген цифрлар «123,3», «82,2» деген цифрлармен ауыстырылсын.

2. Қазақстан Республикасы Сыртқы істер министрлігі екі апта мерзімде Еуразиялық экономикалық қоғамдастық Интеграциялық Комитетінің Хатшылығына Қазақстан Республикасының Үкіметі қабылдайтын сыртқы сауда қызметін реттеу шаралары туралы хабарласын.

3. Осы қаулы алғаш рет ресми жарияланған күнінен бастап отыз күнтізбелік күн өткен соң қолданысқа енгізіледі.