«ҚазАгро» ұлттық басқарушы холдингі» акционерлік қоғамының 2011 - 2020 жылдарға арналған даму стратегиясын бекіту туралы» Қазақстан Республикасы Үкіметінің 2011 жылғы 31 қаңтардағы № 52 қаулысына өзгерістер мен толықтырулар енгізу туралы» Қазақстан Республикасы Үкіметінің 2012 жылғы 29 наурыздағы № 364 Қаулысы (күші жойылды)

«ҚазАгро» ұлттық басқарушы холдингі» акционерлік қоғамының 2011 - 2020 жылдарға арналған даму стратегиясын бекіту туралы» Қазақстан Республикасы Үкіметінің 2011 жылғы 31 қаңтардағы № 52 қаулысына өзгерістер мен толықтырулар енгізу туралы
Қазақстан Республикасы Үкіметінің 2012 жылғы 29 наурыздағы № 364 Қаулысы

ҚР Үкіметінің 2020 жылғы 4 ақпандағы № 33 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «ҚазАгро» ұлттық басқарушы холдингі» акционерлік қоғамының 2011 - 2020 жылдарға арналған даму стратегиясын бекіту туралы» Қазақстан Республикасы Үкіметінің 2011 жылғы 31 қаңтардағы № 52 қаулысына мынадай өзгерістер мен толықтырулар енгізілсін:

кіріспе мынадай редакцияда жазылсын:

«Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларын әзірлеу, бекіту, сондай-ақ оларды іске асырудың мониторингі мен оны бағалау қағидаларын бекіту және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2011 жылғы 31 қазандағы № 1236 қаулысына сәйкес Қазақстан Республикасының Үкіметі ҚАУЛЫ ЕТЕДІ:

көрсетілген қаулымен бекітілген «ҚазАгро» ұлттық басқарушы холдингі» акционерлік қоғамының 2011 - 2020 жылдарға арналған даму стратегиясында:

«Ағымдағы жағдайды талдау» деген 1-бөлімде:

«Қазақстанның агроөнеркәсіптік кешенінің ағымдағы жағдайы» деген кіші бөлімде:

он сегізінші абзацтағы «, кредит - 15,7 млрд. теңге» деген сөздер алынып тасталсын;

мынадай мазмұндағы кіші бөліммен толықтырылсын:

«Агроөнеркәсіптік кешеннің инновациялық дамуын талдау

Қазіргі уақытта Қазақстанның аграрлық секторы ауыл шаруашылығы дақылдарының шығымдылығы мен ауыл шаруашылығы малдары өнімділігінің төмен болуымен, ескірген технологияларды пайдаланумен, қосылған құны төмен өнім шығарумен, сала субъектілерінің инновациялық белсенділігінің әлсіздігімен негізділген еңбек өнімділігінің төмендігімен сипатталады.