(БҰРЫНҒЫ РЕДАКЦИЯ) ҚР ӘДІЛЕТ МИНИСТРІНІҢ М.А. 2015.28.05 № 300 БҰЙРЫ...

Осы редакция 2016 жылғы 8 қаңтарда енгізілген өзгерістеріне дейін қолданылды

Қазақстан Республикасы

Әділет министрінің м.а.

2015 жылғы 28 мамырдағы

№ 300 бұйрығына 4-қосымша

«Жылжымайтын мүлік объектілері жоспарын (сызбасын) қоса
алғанда, тіркеу органы куәландырған тіркеу ісі құжаттарының көшірмелерін беру»

 мемлекеттік көрсетілетін қызмет регламенті

1. Жалпы ережелер

1. Мемлекеттік көрсетілетін қызмет Қазақстан Республикасы Әділет Министрінің 2015 жылғы 28 сәуірдегі № 246 бұйрығымен бекітілген «Жылжымайтын мүлікке құқықтарды тіркеу және міндетті мемлекеттік тіркеуге жатпайтын жылжымалы мүлік кепілін тіркеу мәселелері бойынша мемлекеттік көрсетілетін қызметтердің стандарттарын бекіту туралы» мемлекеттік қызмет стандарты (Нормативтік құқықтық актілердің мемлекеттік тіркеу тізілімінде № 11408 тіркелген) (одан әрі - Стандарт) негізінде көрсетіледі.

2. Мемлекеттік қызмет көрсету нысаны қағаз жүзінде (Стандарттың 5 тармағы).

3. Тіркеуші орган куәландырған жылжымайтын мүлік объектілерінің жоспарын (сызбасын) қоса алғандағы, тіркеу ісі құжаттарының көшірмелерін беру мемлекеттiк қызмет көрсетудің аяқталу нәтижесі болып табылады.

2. Көрсетілетін қызметті берушінің құрылымдық бөлімшелерінің мемлекеттік қызметті көрсету барысындағы

 (жұмыскерлерінің) әрекеттері тәртібінің сипаттамасы

4. Стандарттың 1-қосымшасына сәйкес, құқықтық кадастрдан жылжымайтын мүлікке құқықтарды (құқықтық ауырпалықтарды) мемлекеттік тіркеу туралы ақпарат алуға сұрау салу (бұдан әрі - сұрау салу) көрсетілетін қызметті берушінің мемлекеттік қызмет көрсету бойынша рәсімдерінің (әрекеттерінің) бастауы үшін негіз болып табылады.

Көрсетілетін қызметті берушінің қызметкері өзінің функционалдық міндеттеріне сәйкес, құжаттарды есепке алу кітабы бойынша Орталықтан стандарттың 9-тармағында көзделген құжаттарды қабылдауды жүзеге асырады, кейіннен жұмыс күні ішінде қабылданған құжаттар пакетін қызмет берушінің жауапты орындаушысына табыстайды, ол 1 жұмыс күні ішінде орындауды жүзеге асырады.