Қазақстан Республикасы Үкіметінің 2004 жылғы 7 қазандағы № 1034 қаулысына түсініктемелер

Қазақстан Республикасы Үкіметінің 2004 жылғы 7 қазандағы № 1034
қаулысына түсініктемелер

"Қазақстан Республикасы Үкіметінін 1996 жылғы 14 карашадағы № 1389 қаулысына өзгерістер мен толықтырулар енгізу туралы" Қазақстан Республикасы Үкіметінін 2004 жылғы 7 қазандағы № 1034 қаулысы отандық тауар өндірушілерді қолдау, ішкі өндірісті кеңейту мен бөсекеге қабілетті өнімдер шығару мақсатында қабылданды және бірқатар тауарларға импорттық кеден баждарының ставкаларын өзгертуді көздейді.

Экономикалық орындылық мәніне және халықаралық келісімдерге сәйкес қаралған республиканың мемлекеттік органдарының және отандық өндірушілердің өтініштері тиісті өзгерістерді енгізуге негіз болды.

Осы шешіммен 9 ай мерзімге мыналар көзделеді:

шырындар мен нектарларды дайындау үшін (ЕурАзЭҚ-тың СЭҚ ТН 2009, 2007 кодтарынан) және шырындар мен нектарларды орауға арналған тетракағаздың (ЕурАзЭҚ-тың СЭҚ ТН коды 4811 59 000 0) импортына кеден баждарының ставкаларын төмендету.

Отандық компаниялар қалпына келтірілген шырындар өндірісі үшін шикізатты, сондай-ақ орамалар дайындауға арналған тетракағазды алыс шетелден алып келеді, бұл ақырғы өнімнің құнын едәуір арттырады және оның ішкі рыноктағы бәсекеге қабілеттілігін төмендетеді. Осыған байланысты, отандық шырын өндірушілерді колдау және дамыту мақсатында көрсетілген тауарлар бойынша импорттық кеден баждарынын ставкалары төмендетілді.

премикстер-фортификанттар (дәруішті-минералдык қоспалар) импортына кеден бажының ставкасын төмендету.