«Маңызды стратегиялық мәні бар мемлекеттік сатып алу және Қазақстан Республикасы Yкіметінің резервінен қаражат бөлу туралы» Қазақстан Республикасы Үкіметінің 2005 жылғы 17 наурыздағы № 243 Қаулысы

“Маңызды стратегиялық мәнi бар мемлекеттік сатып алу және Қазақстан Республикасы Yкіметінiң резервiнен қаражат бөлу туралы” Қазақстан Республикасы Үкіметінің 2005 жылғы 17 наурыздағы № 243 Қаулысы

"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының (бұдан әрi - Заң) 21-бабы 1-тармағының 5) тармақшасына және "Қазақстан Республикасы Үкіметінiң және жергiлiктi атқарушы органдардың резервтерiн пайдалану ережесін бекіту туралы" Қазақстан Республикасы Үкіметінiң 2004 жылғы 27 желтоқсандағы № 1405 қаулысына сәйкес Қазақстан Республикасының Үкіметі ҚАУЛЫ ЕТЕДI:

1. "Елорда" баспасы" республикалық мемлекеттік кәсiпорны сатып алудың маңызды стратегиялық мәнi бар Қазақстан Республикасы Президентінің "Қазақстан экономикалық, әлеуметтiк және саяси жедел жаңару жолында" атты Қазақстан халқына 2005 жылғы 18 ақпандағы Жолдауының (бұдан әрi - Жолдау) мамандандырылған басылымын және оны түсiндiру жөніндегі ақпараттық-әдiстемелiк материалдарды шығару жөніндегі қызметтердi көрсетушi болып белгiленсiн.

2. Қазақстан Республикасы Мәдениет, ақпарат және спорт министрлігіне Жолдаудың мамандандырылған басылымын және оны түсiндiру жөніндегі ақпараттық-әдiстемелiк материалдарды шығару жөніндегі қызметтерге ақы төлеу үшiн 2005 жылға арналған республикалық бюджетте кезек күттiрмейтiн шығындарға көзделген Қазақстан Республикасы Үкіметінiң резервiнен 35150000 (отыз бес миллион бiр жүз елу мың) теңге бөлiнсiн.

3. Қазақстан Республикасы Мәдениет, ақпарат және спорт министрлігі заңнамада белгiленген тәртiппен:

осы қаулының 1-тармағында көрсетілген заңды тұлғамен қызметтердi мемлекеттік сатып алу туралы шарт жасасуды;

қызметтердi мемлекеттік сатып алу үшiн осы қаулыға сәйкес пайдаланылатын ақшаны оңтайлы және тиiмдi жұмсау қағидатының сақталуын, сондай-ақ Заңның 21-бабы 3, 4-тармақтарының орындалуын;

осы қаулыдан туындайтын өзге де шараларды қабылдауды қамтамасыз етсiн.

4. Қазақстан Республикасы Қаржы министрлігі бөлiнген қаражаттың мақсатты пайдаланылуын бақылауды қамтамасыз етсiн.

5. Осы қаулы қол қойылған күнiнен бастап қолданысқа енгiзiледi.