«Қазақстан Республикасының жер ресурстарын ұтымды пайдалану мен сақтаудың 1994-1995 жылдарға және 2010 жылға дейінгі кезеңге арналған тұжырымдамасы туралы» (негізгі ережелер) Қазақстан Республикасы Министрлер Кабинетінің 11 қазан 1994 ж. № 1149. қаулысы (күші жойылды)

«Қазақстан Республикасының жер ресурстарын ұтымды пайдалану мен
сақтаудың 1994-1995 жылдарға және 2010 жылға дейiнгi кезеңге арналған
тұжырымдамасы туралы» (негiзгi ережелер)
Қазақстан Республикасы Министрлер Кабинетінің 11 қазан 1994 ж. № 1149 қаулысы

 ҚР Үкіметінің 2005.27.07. № 781 қаулысымен күші жойылды

Шаруашылық жүргiзу нысандарының сан алуандығы мен нарықтық қатынастарға көшу жағдайында жер реформасын тереңдету, жер ресурстарының ұтымды пайдалануы мен сақталуын арттыру мақсатында Қазақстан Республикасының Министрлер Кабинетi қаулы етедi:

1. Қазақстан Республикасының Жер қатынастары және жерге орналастыру жөніндегі мемлекеттік комитетi республиканың мүдделi министрлiктерi мен ведомстволарының ұсыныстарын және ескертпелерiн ескере отырып әзiрлеген Қазақстан Республикасының Жер ресурстарын ұтымды пайдалану мен сақтаудың 1994-1995 жылдарға және 2010 жылға дейiнгi кезеңге арналған тұжырымдамасы (негiзгi ережелер) мақұлдансын.

2. Республиканың министрлiктерi мен ведомстволары, жергiлiктi атқару органдары Қазақстан Республикасының Жер қатынастары және  жерге орналастыру жөніндегі мемлекеттік комитетiн, оның жергiлiктi жерлердегi органдарын осы тұжырымдаманың негiзгi ережелерiн iске асыру жөнiнде жан-жақты қолдап отыратын болсын.

Қазақстан Республикасының

Премьер-министрi