41-ХБЕС Халықаралық бухгалтерлік есеп стандарты Ауыл шаруашылығы

41-ХБЕС Халықаралық бухгалтерлік есеп стандарты
 
Ауыл шаруашылығы

    Осы стандарт 2003 жылғы 1 қаңтардан немесе одан кейінгі күннен басталатын кезеңдерді қамтитын қаржы есептілігі үшін күшіне енгізіледі.

Кіріспе

1.             41-ХБЕС ауылшаруашылық қызметі туралы ақпаратты басқа Халықаралық бухгалтерлік есеп стандарттарында қаралмайтын бөлігінде есеп тәртібін, қаржы есептілігін ұсынуды және ашып көрсетуді белгілейді. Ауылшаруашылық қызметі - бұл ауылшаруашылық өнімдерін өткізу, алу немесе қосымша биологиялық активтер өндіру мақсатында жануарлар мен өсімдіктерді (биологиялық активтерді) биотүрлендіруді басқару.

2.             Басқалармен қатар, 41-ХБЕС биологиялық активтерді олардың даму, азғындау, өнім өндіру және ұдайы өсіру кезеңінде есепке алу тәртібін, сондай-ақ ауылшаруашылық өнімін жинау кезінде оны бастапқы өлшеу тәртібін белгілейді. Биологиялық активтерді бастапқы тану кезінен бастап ауылшаруашылық өнімін жинауды бастағанға дейінгі кезеңде өлшеу, есептік өткізу шығыстары шегеріліп, әділ құн бойынша жүргізіледі, бұған бастапқы тану кезінде әділ құнды жеткілікті сенімділік деңгейде өлшеуге болмайтын жағдайлар кірмейді. Алайда 41-ХБЕС-да ауылшаруашылық өнімін жинағаннан кейінгі кезеңде оны өңдеу процесі, мысалы, жүзімнен шарап өндіру немесе жүннен жіп өндіру процесі қарастырылмайды.