«Темір жол вокзалдарын күтіп ұстауға және пайдалануға қойылатын санитарлық-эпидемиологиялық талаптар» санитарлық-эпидемиологиялық ережелері мен нормалары (Қазақстан Республикасы Денсаулық сақтау Министрінің м.а. 2005 жылғы 15 тамыздағы № 401 бұйрығымен бекітілген) (күші жойылды)

ҚР Денсаулық сақтау министрінің 2010 жылғы 29 шілдедегі № 563 бұйрығымен күші жойылды

Қазақстан Республикасы

Денсаулық сақтау Министрінің м.а.

2005 жылғы 15 тамыздағы

№ 401 бұйрығымен бекітілген

«Темір жол вокзалдарын күтіп ұстауға және пайдалануға
қойылатын санитарлық-эпидемиологиялық талаптар»
санитарлық-эпидемиологиялық ережелері мен нормалары
 
1. Жалпы ережелер

1. "Темір жол вокзалдарын пайдалану және күтіп ұстауға қойылатын санитарлық-эпидемиологиялық талаптар" санитарлық-эпидемиологиялық ережелері мен нормалары (бұдан әрі - санитарлық ережелер) темір жол вокзалдарын жобалауға, құрылыс, қайта құрастыру мен пайдалануға байланысты іс-әрекеті меншік нысанына тәуелсіз жеке тұлғалар мен заңды тұлғаларға арналған.

2. Ұйымның бірінші басшылары мен жеке тұлғалар осы санитарлық ережелердің талаптарын сақтауды қамтамасыз етуі керек.

3. Осы санитарлық ережелерде мына терминдер мен анықтаулар қолданылған:

1) темір жол вокзалы - бір станцияда орналасқан және құрамына: ғимарат және павильондар, жолаушылар платформалары, вокзал жаяу жүгін жолдары енетін имараттар мен құрылғылар кешені;

2) санитарлық-карантиндік пункт (бұдан әрі - СКП) - негізгі функциясы Қазақстан Республикасының шекарасы мен аумағын карантиндік және аса қауіпті жұқпалы аурулардың, халық денсаулығы үшін қауіпті жүктер мен тауарлардың әкелінуінен және таралуынан санитарлық қорғау болып табылатын аумақтық санитарлық-эпидемиологиялық қадағалау органының құрылымдық бөлімшесі.

2. Темір жол вокзалы аумағына қойылатын

санитарлық-эпидемиологиялық талаптар

4. Темір жол вокзалының (бұдан әрі - вокзал) жер учаскесі қолданыстағы құрылыс нормалары мен ережелерінің (бұдан әрі - ҚНжЕ) талаптарына жауап беруі қажет. Құрылыс және қайта-құру, жеке тұрған және іргелесе тұрғызылған объектілердің жобалау-сметалық құжатын бекіту Қазақстан Республикасы мемлекеттік санитарлық-эпидемиологиялық қызмет органдарының санитарлық-эпидемиологиялық қорытындысынан кейін пайдалануға рұқсат етіледі.