Мемлекеттік қызмет көрсету стандарты Меншік иесі болып табылатын кәмелетке толмаған балалардың мүддесін қозғайтын мәмілелер орындауға қорғаншылық және қамқоршылық кеңесінің шешіміне анықтама беру (Мойылды ауылы әкімінің 2008 жылғы 25 сәуірдегі № 5 шешімімен бекітілген 9 қосымша) (күші жойылды)

Павлодар облысы Павлодар қаласы Мойылды ауылдық әкімінің 2008.17.09. № 10 шешімімен күші жойылды

Мойылды ауылы әкімінің 2008 жылғы 

25 сәуірдегі № 5 шешімімен бекітілген

9 қосымша

Мемлекеттік қызмет көрсету стандарты
Меншік иесі болып табылатын кәмелетке толмаған балалардың мүддесін қозғайтын мәмілелер орындауға қорғаншылық және қамқоршылық кеңесінің шешіміне анықтама беру
 
Жалпы ереже

1. Осы стандарт меншік иесі болып табылатын кәмелетке толмаған балалардың мүддесін қозғайтын мәмілелер орындауға қорғаншылық және қамқоршылық кеңесінің шешіміне анықтама беру бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.

2. Көрсетілетін мемлекеттік қызмет көрсету нысаны автоматтандырылмаған.

3. Мемлекеттік қызмет Қазақстан Республикасының 1994 жылғы 27 желтоқсандағы Азаматтық кодексінің 24 бабы, Қазақстан Республикасының 1997 жылғы 16 сәуірдегі «тұрғын үй қатынастары туралы» Заңының 13 бабы, 3-тармағы, Қазақстан Республикасының 1998 жылғы 17 желтоқсандағы «Неке және отбасы туралы» Заңының 114 бабы негізінде көрсетіледі.

4. Мемлекеттік қызметті Мойылды ауылы, Центральная көшесі, 5 мекенжайында орналасқан «Мойылды ауылы әкімінің аппараты» мемлекеттік мекемесі (бұдан әрі - әкім аппараты) көрсетеді.

5. Мемлекеттік қызмет көрсетудің нәтижесі - анықтама-рұқсатты беру болып табылады.

6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).

7. Мемлекеттік қызмет көрсету кезінде уақыт бойынша шектеу мерзімдері:

1) мемлекеттік қызметті алу үшін тұтынушы қажетті құжаттарды тапсырған сәттен бастап, мемлекеттік қызметті алу үшін электрондық сұраныс берген сәттен бастап мемлекеттік қызмет көрсету мерзімдері - 30 күнге дейін;

2) қажетті құжаттарды тапсырған кезде кезек күтуге, электрондық сұранысты қалыптастыруға рұқсат берілген ең ұзақ уақыт - 25 минутқа дейін;

3) мемлекеттік қызмет көрсету нәтижесі ретінде құжаттарды алған кезде кезек күтуге рұқсат берілген ең ұзақ уақыты - 25 минутқа дейін.