Зертханалық сорттық сынақтардан өткізуді жүзеге асыру қағидалары (Қазақстан Республикасы Үкіметінің 2011 жылғы 2 қарашадағы № 1279 қаулысымен бекітілген) (2013.24.04. берілген өзгерістермен) (күші жойылды)

ҚР Үкіметінің 2016 жылғы 30 қаңтардағы № 43 Қаулысымен күші жойылды

Қазақстан Республикасы

Үкіметінің

2011 жылғы 2 қарашадағы

№ 1279 қаулысымен

бекітілген

Зертханалық сорттық сынақтардан өткізуді жүзеге асыру
қағидалары

(2013.24.04. берілген өзгерістермен)

1. Жалпы ережелер

1. Осы Зертханалық сорттық сынақтардан өткізуді жүзеге асыру қағидасы (бұдан әрі - Қағидалар) «Тұқым шаруашылығы туралы» 2003 жылғы 8 ақпандағы Қазақстан Республикасының Заңына (бұдан әрі - Заң) сәйкес әзірленді және тұқымдардың партиясынан сынамаларға зертханалық талдау жүргізу арқылы тұқымдардың белгілі бір сортқа тиесілігін белгілеу мен тұқымдардың сорттық тазалығын айқындау тәртібін айқындайды.

2. Заңның 21-бабына сәйкес Қазақстан Республикасында пайдалануға рұқсат етілген Селекциялық жетістіктердің мемлекеттік тізіліміне енгізілген ауыл шаруашылығы өсімдіктері сорттарының соңынан сатуға арналған элиталық тұқымдары мен бірінші көбейтілген тұқымдары зертханалық сорттық сынақтарға жатады.

3. Зертханалық сорттық сынақтарды Ауыл шаруашылығы дақылдарының сортын сынау жөніндегі мемлекеттік комиссия (бұдан әрі - Мемкомиссия) жүргізеді.

2. Зертханалық сорттық сынақтарды жүргізу тәртібі

4. Ауыл шаруашылығы өсімдігінің әрбір түрі мен сорты бойынша сатуға арналған тұқымдарды зертханалық сорттық сынау:

үш жылда бір рет - элиталық тұқымдар үшін;

бес жылда бір рет - бірінші көбейтілген тұқымдар үшін жүргізіледі.

ҚР Үкіметінің 2012.22.11. № 1477 Қаулысымен (бұр.ред.қара); 2013.24.04. № 390 Қаулысымен (бұр.ред.қара) 5-тармақ өзгертілді

5. Тұқымдарға зертханалық сорттық сынақтарды жүргізу үшін аттестатталған элиталық тұқым өндіруші шаруашылықтар және (немесе) бірінші көбейтілген тұқым өндірушілер Мемкомиссияға мынадай құжаттар мен мәліметтерді (тұқым партиясынан алынған сынамалар):