«Озон қабатын бұзатын заттарды пайдалана отырып жұмыстар жүргізуге, құрамында озон қабатын бұзатын заттары бар жабдықтарды жөндеуге, монтаждауға, оларға қызмет көрсетуге рұқсат беру» мемлекеттік қызметтің регламенті (Қазақстан Республикасы Қоршаған ортаны қорғау министрінің 2012 жылғы 4 қыркүйектегі № 275-ө Бұйрығымен бекітілген) (күші жойылды)

ҚР Қоршаған ортаны қорғау министрінің 2012 жылғы 4 қыркүйектегі № 275-ө бұйрығымен күші жойылды

Қазақстан Республикасы

Қоршаған ортаны қорғау

министрінің

2012 жылғы 4 қыркүйектегі

№ 275-ө бұйрығына

1-қосымша

«Озон қабатын бұзатын заттарды пайдалана отырып жұмыстар жүргізуге, құрамында озон қабатын бұзатын
заттары бар жабдықтарды жөндеуге, монтаждауға, оларға қызмет көрсетуге рұқсат беру»
мемлекеттік қызметтің регламенті

1. Жалпы ережелер

1. «Озон қабатын бұзатын заттарды пайдалана отырып жұмыстар жүргізуге, құрамында озон қабатын бұзатын заттары бар жабдықтарды жөндеуге, монтаждауға, оларға қызмет көрсетуге рұқсат беру» (бұдан әрі - регламент) мемлекеттік қызмет регламенті Қазақстан Республикасы Заңының «Әкімшілік рәсімдер туралы» 9-1 бабының 4-тармағына сәйкес өңделген.

2. Озон қабатын бұзатын заттарды пайдалана отырып жұмыстар жүргізуге, құрамында озон қабатын бұзатын заттары бар жабдықтарды жөндеуге, монтаждауға, оларға қызмет көрсетуге рұқсат беру (бұдан әрі - мемлекеттік қызмет) - жеке және/немесе заңды тұлғаларға (бұдан әрі - тұтынушы) озон қабатын бұзатын заттарды пайдалана отырып жұмыстар жүргізуге, құрамында озон қабатын бұзатын заттар бар жабдықтарды жөндеуге, монтаждауға, оларға қызмет көрсетуге рұқсат құқығын беретін үрдіс.

3. Электрондық мемлекеттік қызмет көрсетудің қалпы: автоматтандырылмаған.

4. Осы мемлекеттік қызметті көрсететін мемлекеттік орган «Қазақстан Республикасы Қоршаған ортаны қорғау министрлігі Экологиялық реттеу және бақылау комитеті» мемлекеттік мекемесі болып табылады.

Мемлекетті қызмет келесі мекен-жай бойынша көрсетіледі: 010000, Астана қ., Министрліктер үйі (сол жағалау), Орынбор к-сі, № 8, үй, № 14 кіреберіс, www.ecokomitet.kz, № 334 кабинет, байланыс телефондары: 8 (7172) 740887, 740909, сағ. 9.00-ден 18.30-ге дейін, сенбі, жексенбі және мейрам күндерінен басқа күн сайын, түстік үзіліс сағ. 13.00-ден 14.30-ге дейін.