«Жер учаскесінің тиесілілігі туралы ақпарат беру» мемлекеттік қызмет стандарты (Қазақстан Республикасы Үкіметінің 2012 жылғы 1 қарашадағы № 1392 Қаулысымен бекітілген) (күші жойылды)

ҚР Үкіметінің 2014 жылғы 16 сәуірдегі № 358 Қаулысымен күші жойылды

Қазақстан Республикасы

Үкіметінің

2012 жылғы 1 қарашадағы

№ 1392 қаулысымен

бекітілген

«Жер учаскесінің тиесілілігі туралы ақпарат беру»
мемлекеттік қызмет стандарты

1. Жалпы ережелер

1. «Жер учаскесінің тиесілілігі туралы ақпарат беру» мемлекеттік қызметін (бұдан әрі - мемлекеттік қызмет) Қазақстан Республикасы Жер ресурстарын басқару агенттігінің «Жер кадастры ғылыми-өндірістік орталығы» республикалық мемлекеттік кәсіпорны (бұдан әрі - мамандандырылған кәсіпорын) электрондық цифрлық қолтаңба (бұдан әрі - ЭЦҚ) болған жағдайда мемлекеттік жер кадастрының автоматтандырылған ақпараттық жүйесі арқылы www.egov.kz «электрондық үкімет» веб-порталы арқылы (бұдан әрі - портал), сондай-ақ мекенжайлары осы стандарттың 1-қосымшасында көрсетілген Қазақстан Республикасы Көлік және Коммуникация министрлігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» республикалық мемлекеттік кәсіпорнының филиалдары (бұдан әрі - орталық) арқылы көрсетеді.

Мемлекеттік қызметтердің шалғайдағы елді мекендер тұрғындарына қолжетімділігін қамтамасыз ету үшін мемлекеттік қызметтерді көрсету мобильдік орталықтар арқылы жүргізіледі.

2. Көрсетілетін мемлекеттік қызметтің нысаны: толық автоматтандырылған.

3. Мемлекеттік қызмет Қазақстан Республикасының 2003 жылғы 20 маусымдағы Жер кодексінің 158-бабының, «Ақпараттандыру туралы» 2007 жылғы 11 қаңтардағы Қазақстан Республикасының Заңының 29-бабының негізінде көрсетіледі.

4. Мемлекеттік қызмет туралы ақпарат:

1) Қазақстан Республикасы Жер ресурстарын басқару агенттігінің (бұдан әрі - Агенттік) www.auzr.kz интернет-ресурсында;

2) мамандандырылған кәсіпорынның www.aisgzk.kz интернет-ресурсында;

3) орталықтың www.con.gov.kz интернет-ресурсында;

4) орталықтардың стенділерінде;

5) порталда орналастырылған.

Сонымен бірге мемлекеттік қызмет туралы ақпарат call-орталықтың 1414 телефон нөмірі арқылы беріледі.