«Бақылау-касса машиналарын (БКМ) есепке қою және есептен шығару» мемлекеттік қызмет регламенті (Қазақстан Республикасы Қаржы министрінің м.а. 2012 жылғы 29 желтоқсандағы № 586 бұйрығына 5-қосымша) (күші жойылды)

ҚР Премьер-Министрінің орынбасары - ҚР Қаржы министрінің 2014 жылғы 4 сәуірдегі № 163 бұйрығымен күші жойылды

Қазақстан Республикасы

Қаржы министрінің м.а.

2012 жылғы 29 желтоқсандағы

№ 586 бұйрығына 5-қосымша

«Бақылау-касса машиналарын (БКМ) есепке қою және есептен шығару»
 мемлекеттік қызмет регламенті


1. Жалпы ережелер

1. Осы «Бақылау-касса машиналарын (БКМ) есепке қою және есептен шығару» мемлекеттік қызмет регламенті (бұдан әрі - Регламент) Қазақстан Республикасының 2008 жылғы 4 желтоқсандағы Бюджет кодексінің 34-бабына, «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына, сондай-ақ «Қазақстан Республикасы салық қызметі органдарының мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 30 қарашадағы № 1519 қаулысымен бекітілген «Бақылау-касса машиналарын (БКМ) есепке қою және есептен шығару» мемлекеттік қызмет стандартына (бұдан әрі - Стандарт) сәйкес әзірленген.

2. Регламентте мынадай ұғымдар пайдаланады:

1) алушы - жеке немесе заңды тұлға;

2) БСАЖ - біріктірілген салық ақпараттық жүйесі;

3) Енгізу регламенті - ақпаратты Қазақстан Республикасы Қаржы министрлігінің Салық комитеті Төрағасының 2009 жылғы 5 қарашадағы № 423 бұйрығымен бекітілген, Қазақстан Республикасының Қаржы министрлігі Салық комитетінің «БСАЖ», «СЕӨЖ», «Акциз» ақпараттық жүйелеріне енгізу және өңдеу регламенті;

4) «Құжат айналымы» АЖ - кіріс және шығыс құжаттарын тіркеуге арналған салық қызметі органдарының ақпараттық жүйесі;

5) құрылымдық-функциональдық бірліктер - мемлекеттік қызмет көрсету процесіне қатысатын лауазымды тұлғалар.

3. «Бақылау-касса машиналарын (БКМ) есепке қою және есептен шығару» мемлекеттік қызметті (бұдан әрі - мемлекеттік қызмет) Ақпаратты қабылдау және өңдеу орталықтарында (бұдан әрі - Орталық), Қазақстан Республикасының салық органдары көрсетеді.

4. Мемлекеттік қызмет автоматтандырылмаған.