«Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама беру» электрондық мемлекеттік қызмет регламенті (Қазақстан Республикасы Әділет министрінің 2012 жылғы 29 қарашадағы № 389 бұйрығына 1-қосымша) (күші жойылды)

ҚР Әділет министрінің 2014.30.01. № 34 бұйрығымен күші жойылды

Қазақстан Республикасы

Әділет министрінің

2012 жылғы 29 қарашадағы

№ 389 бұйрығына

1-қосымша

«Жылжымайтын мүлікке тіркелген құқықтар (ауыртпалықтар) және оның техникалық
 сипаттамалары туралы анықтама беру»
электрондық мемлекеттік қызмет регламенті


1. Жалпы ережелер

1. «Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама беру» электрондық мемлекеттік қызметін (бұдан әрі - қызмет) аумақтық әділет органдары Халыққа қызмет көрсету орталықтар (бұдан әрі - Орталық) арқылы, сондай-ақ «электрондық үкімет» веб-портал www.e.gov.kz  (бұдан әрі - ЭҮП) арқылы көрсетеді.

2. Қызмет Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген «Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтамалар беру» мемлекеттік қызмет стандарты (бұдан әрі - Стандарт) негізінде жүзеге асырылады.

3. Қызметті автоматтандыру дәрежесі: ішінара автоматтандырылған.

4. Қызмет көрсету түрі: транзакциялық.

5. Осы Регламентте пайдаланылатын ұғымдар:

1) жеке сәйкестендіру нөмір - жеке тұлға, соның ішінде қызметін жеке кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір (бұдан әрі - ЖСН);

2) бизнес-сәйкестендіру нөмірі - заңды тұлға (филиал мен өкілдік) және қызметін бірлескен кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір (бұдан әрі - БСН);

3) қызмет алушы - электрондық мемлекеттік қызмет көрсетілетін жеке тұлға

4) транзакциялық қызмет көрсету - электрондық цифрлық қолтаңбаны қолдана отырып, өзара ақпарат алмасуды талап ететін электрондық ақпараттық ресурстарды пайдаланушыларға ұсыну жөніндегі қызмет;