«Қазақстан Республикасы Сыртқы істер министрлігінің шаруашылық басқармасы» республикалық мемлекеттік кәсіпорнын құру туралы
Осы редакция 2013 жылғы 5 тамызда енгізілген өзгерістеріне дейін қолданылды
Қазақстан Республикасы Президентінің «Мемлекеттік кәсiпорын туралы» 1995 жылғы 19 маусымдағы № 2335 заң күшi бар Жарлығына сәйкес және Қазақстан Республикасы Сыртқы iстер министрлiгінің қызметiн материалдық-техникалық қамтамасыз ету мақсатында Қазақстан Республикасының Үкіметі қаулы етеді: 1. Шаруашылық жүргізу құқығындағы «Қазақстан Республикасы Сыртқы iстер министрлiгінiң шаруашылық басқармасы» республикалық мемлекеттік кәсiпорны (бұдан әрi - Кәсiпорын) құрылсын. 2. Қазақстан Республикасының Сыртқы iстер министрлігі Кәсiпорынды мемлекеттік басқару органы, сондай-ақ Кәсiпорынға қатысты мемлекеттік меншiк құқығы субъектiсiнң функцияларын жүзеге асыратын орган болып белгiленсiн. 3. Қазақстан Республикасының Сыртқы iстер министрлгі бiр айлық мерзiмде заңдарда белгiленген тәртiппен: 1) Қазақстан Республикасының Әдiлет министрлігімен бiрлесiп Кәсiпорынның құрылтайшы құжаттарында оның қызмет аясын айқындасын; 2) Кәсiпорынның жарғылық капиталын қалыптастырсын; 3) Кәсiпорынның жарғысын әзiрлесiн және бекiтсiн; 4) Кәсiпорынды тiркеудi қамтамасыз етсiн. 4. «Республикалық мемлекеттік кәсiпорындардың тiзбесi туралы» Қазақстан Республикасы Үкіметінiң 1996 жылғы 25 маусымдағы № 790 қаулысына (Қазақстан Республикасының ПYАЖ-ы, 1996 ж., № 29, 256-құжат) мынадай толықтыру енгізiлсiн: көрсетiлген қаулымен бекітілген Республикалық мемлекеттік кәсiпорындардың тiзбесi мынадай мазмұндағы бөлiммен және реттiк нөмiрi 506-жолмен толықтырылсын: «Қазақстан Республикасының Сыртқы iстер министрлігі 506. «Қазақстан Республикасы Сыртқы істер министрлігінің шаруашылық басқармасы» республикалық мемлекеттік кәсіпорны (шаруашылық жүргізу құқығында) Астана қаласы». 5. Осы қаулы қол қойылған күнінен бастап күшіне енеді.
Қазақстан Республикасының Премьер-Министрі
|