«Туберкулез диспансерінен анықтама беру» мемлекеттік көрсетілетін қызмет регламенті (Павлодар облысы әкімдігінің 2014 жылғы 6 мамырдағы № 149/5 Қаулысымен бекітілді) (2014.03.11. берілген толықтырулармен) (күші жойылды)

Павлодар облыстық әкімдігінің 2015. 28.05. № 160/5 Қаулысымен күші жойылды

Павлодар облысы әкімдігінің

2014 жылғы 6 мамырдағы

№ 149/5 қаулысымен

бекітілді

«Туберкулез диспансерінен анықтама беру»

мемлекеттік көрсетілетін қызмет регламенті

(2014.03.11. берілген толықтырулармен)

1. Жалпы ережелер

1. «Туберкулез диспансерінен анықтама беру» мемлекеттік көрсетілетін қызметін (бұдан әрі - мемлекеттік көрсетілетін қызмет) медициналық ұйымдар («Павлодар облыстық туберкулезге қарсы диспансері» коммуналдық мемлекеттік қазыналық кәсіпорны, Екібастұз және Ақсу қалаларының туберкулезге қарсы ауруханалары (бұдан әрі - көрсетілетін қызметті беруші) көрсетеді.

2. Мемлекеттік көрсетілетін қызметтің нысаны - қағаз түрінде.

3. Мемлекеттік қызметті көрсету нәтижесі - фтизиатр дәрігер қол қойған, жеке дәрігерлік мөрмен және көрсетілген қызметті берушінің мөрімен Қазақстан Республикасы Үкіметінің 2014 жылғы 20 наурыздағы «Денсаулық сақтау саласындағы мемлекеттік көрсетілетін қызметтер стандарттарын бекіту туралы» № 253 қаулысымен бекітілген «Туберкулез диспансерінен анықтама беру» мемлекеттік көрсетілетін қызмет стандартына (бұдан әрі - Стандарт) 2-қосымшаға сәйкес мемлекеттік қызмет көрсетуді тіркеу журналында анықтаманы тіркей отырып, расталған Стандарттың 1-қосымшасына сәйкес нысан бойынша қағаз түріндегі туберкулез диспансерінен анықтама.

Туберкулез диспансерінен анықтама «Туберкулезбен ауыратын науқастардың ұлттық тіркелімі» деректер базасында тексеруден кейін беріледі.

Анықтаманың жарамдылық мерзімі - 10 күн.

2. Мемлекеттік қызмет көрсету үдерісінде көрсетілетін қызметті берушінің құрылымдық бөлімшелерінің (қызметкерлерінің) іс-қимылдар тәртібін сипаттау

4. Мемлекеттік қызметті көрсету жөніндегі рәсімді (іс-қимылды) бастау үшін негіздеме Стандарттың 9-тармағында қарастырылған құжаттар тізбесі болып табылады.

5. Көрсетілетін қызметті беруші арқылы мемлекеттік қызметті көрсету үдерісінің құрамына кіретін әрбір рәсімнің (іс-қимылдың) мазмұны: