Қазақстан Республикасы Индустрия және жаңа технологиялар министрлігі Геология және жер қойнауын пайдалану комитетінің аумақтық органы - тиісті өңіраралық геология және жер қойнауын пайдалану өңіраралық департаменті туралы ереже (Қазақстан Республикасы Премьер-Министрінің орынбасары - Қазақстан Республикасының Индустрия және жаңа технологиялар министрінің 2014 жылғы 30 сәуірдегі № 142 бұйрығына 7-қосымша) (күші жойылды)

ҚР Инвестициялар және даму министрінің міндетін атқарушының 2014.15.10. № 67 бұйрығымен күші жойылды

Қазақстан Республикасы

Премьер-Министрінің орынбасары -

Қазақстан Республикасының

Индустрия және жаңа

технологиялар министрінің

2014 жылғы 30 сәуірдегі

№ 142 бұйрығына

7-қосымша

Қазақстан Республикасы Индустрия және жаңа технологиялар министрлігі Геология және жер қойнауын пайдалану комитетінің аумақтық органы - тиісті өңіраралық геология және жер қойнауын пайдалану өңіраралық департаменті туралы

ереже

1. Жалпы ережелер

1. Қазақстан Республикасы Индустрия және жаңа технологиялар министрлігінің Геология және жер қойнауын пайдалану комитетінің аумақтық органы (бұдан әрі - Комитет) мемлекеттік геологиялық зерделеу, жер қойнауын ұтымды және кешенді пайдалану мен жер қойнауын мемлекеттік басқару салаларында басшылықті жүзеге асырушы мемлекеттік орган болып табылатын Қазақстан Республикасы Индустрия және жаңа технологиялар министрлігі Геология және жер қойнауын пайдалану комитетінің тиісті өңіраралық геология және жер қойнауын пайдалану өңіраралық департаменті (бұдан әрі - Департамент) болып табылады.

2. Департамент өз қызметін Қазақстан Республикасының Конституциясына, заңдарынамалар мен басқа да құқықтық актілеріне, Комитеттің бұйрықтары мен өкімдеріне, сондай-ақ осы Ережеге сәйкес жүзеге асырады.

3. Департамент ұйымдастырушылық - құқықтық нысандағы мемлекеттік мекемесінің - заңды тұлғасы болып табылатын, мөрі және мемлекетті тілдегі өз атауы көрсетілген штампы, белгіленген үлгідегі бланкілері, сондай-ақ заңнамаларға сәйкес Қазақстан Республикасы Қаржы министрлігінің Қазынашылық комитетінде шоты бар.

4. Департамент өзінің атынан және Комитет атынан өкілетті болған жағдайда азаматтық - құқықтық қатынастарға түседі.

5. Департаменттің, егер Қазақстан Республикасының заңнамасына сәйкес осыған уәкілеттік берілген болса, мемлекет атынан азаматтық-құқықтық қатынастардың тарапы болуға құқығы бар.