«Дәрiгердiң қабылдауына жазылу» мемлекеттiк көрсетілетін қызмет регламентi (Алматы облысы әкiмдiгiнiң 2014 жылғы 19 маусымдағы № 217 қаулысымен бекітілген) (күші жойылды)

Алматы облысы әкімдігінің 2015 жылғы 28 шілдедегі № 332 Қаулысымен күші жойылды

Алматы облысы әкiмдiгiнiң

2014 жылғы 19 маусымдағы

№ 217 қаулысымен бекітілген

«Дәрiгердiң қабылдауына жазылу»

мемлекеттiк көрсетілетін қызмет регламентi

1. Жалпы ережелер

1. «Дәрiгердiң қабылдауына жазылу» мемлекеттiк көрсетілетін қызмет (бұдан әрі - мемлекеттік көрсетілетін қызмет) медициналық-санитариялық алғашқы көмек көрсететін медициналық ұйымдарда (бұдан әрі - көрсетілетін қызметті беруші) мемлекеттік көрсетілетін қызметті алушы немесе оның өкілі көрсетілетін қызметті берушіге тікелей немесе телефон байланысы арқылы өтініш берген кезде, сондай - ақ www.egov.kz  «электрондық үкімет» веб-порталы (бұдан әрі - портал) арқылы Қазақстан Республикасының бірыңғай ақпараттық денсаулық сақтау жүйесі шеңберінде көрсетіледі.

Мемлекеттiк көрсетілетін қызмет Қазақстан Республикасы Үкiметiнiң 2014 жылғы 20 наурыздағы № 253 қаулысымен бекітілген «Дәрiгердiң қабылдауына жазылу» мемлекеттік көрсетілетін қызмет стандарты негізінде ұсынылады (бұдан әрі - Стандарт), сондай - ақ «Денсаулық сақтау ұйымдарының бастапқы медициналық құжаттама нысандарын бекіту туралы» 2010 жылғы 23 қарашадағы № 907 Қазақстан Республикасы Денсаулық сақтау министрінің м.а. бұйрығы негізінде (бұдан әрі - Бұйрық) ұсынылады.

2. Мемлекеттік көрсетілетін қызметтің нысаны: электрондық (ішінара автоматтандырылған) және (немесе) қағаз түрінде.

3. Мемлекеттiк көрсетiлетiн қызметтiң нәтижесi:

1) көрсетілетін қызметті берушіге тікелей немесе телефон байланысы арқылы өтініш берген кезде - көрсетілетін қызметті берушінің дәрігерінің қабылдауына алдын ала жазылу журналында (Бұйрықтың 3-қосымшасындағы нысанға сәйкес) жазылу және одан кейін дәрігерлердің қабылдау кестесіне (бұдан әрі - кесте) сәйкес дәрігердің қабылдайтын күнін, уақытын көрсете отырып, ауызша жауап беру;