«Атырау облысы әкімдігінің 2014 жылғы 20 наурыздағы № 81 «Денсаулық сақтау саласындағы мемлекеттік көрсетілетін қызметтер регламенттерін бекіту туралы» қаулысына өзгерістер мен толықтырулар енгізу туралы қаулысына өзгерістер енгізу туралы» Атырау облысы әкімдігінің 2014 жылғы 29 тамыздағы № 257 Қаулысы (күші жойылды)

Атырау облысы әкімдігінің 2014 жылғы 20 наурыздағы № 81 «Денсаулық сақтау саласындағы мемлекеттік көрсетілетін қызметтер регламенттерін бекіту туралы» қаулысына өзгерістер мен толықтырулар енгізу туралы қаулысына өзгерістер енгізу туралы
Атырау облысы әкімдігінің 2014 жылғы 29 тамыздағы № 257 Қаулысы

Атырау облысы әкімдігінің 2015 жылғы 23 қазандағы № 325 Қаулысымен күші жойылды  

Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16-бабының 3-тармағына, Қазақстан Республикасы Экономика және бюджеттік жоспарлау министрінің 2013 жылғы 14 тамыздағы № 249 «Мемлекеттік көрсетілетін қызметтердің стандарттары мен регламенттерін әзірлеу жөніндегі қағиданы бекіту туралы» бұйрығына сәйкес Атырау облысы әкімдігі ҚАУЛЫ ЕТЕДІ:

1. Атырау облысы әкімдігінің 2014 жылғы 20 наурыздағы № 81 «Денсаулық сақтау саласындағы мемлекеттік көрсетілетін қызметтер регламенттерін бекіту туралы» қаулысына (Нормативтік құқықтық актілерді мемлекеттік тіркеу тізілімінде № 2899 тіркелген, 2014 жылғы 5 маусымдағы «Атырау» газетінде жарияланған) келесі өзгерістер мен толықтырулар енгізілсін:

1) мемлекеттік тілдегі мәтінде 1-тармақтың 3) тармақшасындағы «прекрсорлардың» сөзі «прекурсорлардың» сөзімен ауыстырылсын, орысша мәтін өзгермейді.

2) көрсетілген қаулымен бекітілген «Медициналық қызметке лицензия беру, қайта ресімдеу, лицензияның телнұсқасын беру» мемлекеттік көрсетілетін қызмет Регламентінде:

5-тармақта:

3) тармақшаның сегізінші абзацы келесі редакцияда жазылсын:

«Лицензиялау бойынша маман «Е-лицензиялау» МДҚ АЖ-де мемлекеттік қызмет нәтижесін немесе қызмет көрсетуден бас тарту туралы дәлелді жауапты қалыптастырады және басшыға қол қоюға береді - лицензияны және (немесе) лицензияға қосымшаны беру кезінде - 14 (он төрт) жұмыс күнінен, лицензияны және (немесе) лицензияға қосымшаны қайта ресімдеу кезінде - 9 (тоғыз) жұмыс күнінен, лицензияның және (немесе) лицензияға қосымшаның телнұсқасын беру кезінде - 1 (бір) жұмыс күнінен кешіктірмей.»;

келесі мазмұндағы 10-тармақпен толықтырылсын: