(БҰРЫНҒЫ РЕДАКЦИЯ) АЛМАТЫ ОБЛЫСЫ ӘКІМДІГІНІҢ 2014.11.05 № 153 ҚАУЛЫС...

Алматы облысы әкімдігінің

2014 жылғы 11 мамырдағы

№ 153 қаулысымен бекітілген

Осы редакция 2014 жылғы 12 қыркүйекте енгізілген өзгерістеріне дейін қолданылды

«Қорғаншылық және қамқоршылық жөнінде анықтама беру»

 мемлекеттік көрсетілетін қызмет регламенті


1. Жалпы ережелер

1. «Қорғаншылық және қамқоршылық жөнінде анықтама беру» мемлекеттік көрсетілетін қызметті (бұдан әрі - мемлекеттік көрсетілетін қызмет) беруші Алматы облысы қалалары мен аудандарының білім бөлімдері (бұдан әрі - көрсетілетін қызметті беруші) болып табылады.

Өтініштерді қабылдау және мемлекеттік көрсетілетін қызмет нәтижелерін беру:

1) Қазақстан Республикасы Көлік және коммуникация министрлігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталықтары» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО);

2) «Электрондық үкіметтің» порталы (бұдан әрі - портал): www.e.gov.kz арқылы жүзеге асырылады.

2. Мемлекеттік қызметті көрсету нысаны - электронды (толық автоматтандырылған) және (немесе) қағаз түрінде.

3. Мемлекеттік қызмет көрсетудің нәтижесі Қазақстан Республикасы Үкіметінің 2014 жылғы 19 ақпандағы № 115 қаулысымен бекітілген «Қорғаншылық және қамқоршылық жөнінде анықтама беру» мемлекеттік көрсетілетін қызмет стандартының (бұдан әрі - Стандарт) 1-қосымшасына сәйкес жетім балаға және ата-анасының қамқорлығынсыз қалған балаға қорғаншылық және қамқоршылық жөніндегі анықтама болып табылады.

Көрсетілетін қызметті алушы мемлекеттік көрсетілетін қызметті қағаз жеткізгіште алу үшін өтініш берген жағдайда, нәтижесі электрондық форматта ресімделеді, қағазға басып шығарылады және көрсетілетін қызметті беруші басшысының қолымен расталады.