1995 жылғы 20 қаңтардағы Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінiң (объектiлері мен ұрыс алаңдары Қазақстан Республикасының аумағында орналасқан) 929 Мемлекеттік ұшу-сынақ орталығын пайдалану тәртібі туралы келісімге өзгерістер мен толықтырулар енгізу туралы хаттама (Мәскеу қ., 2015 жылғы 16 сәуірде)

1995 жылғы 20 қаңтардағы Қазақстан Республикасы мен Ресей Федерациясы арасындағы Ресей Федерациясы Қорғаныс
министрлігінің (объектілері мен ұрыс алаңдары Қазақстан Республикасының аумағында орналасқан) 929 Мемлекеттік ұшу-сынақ
орталығын пайдалану тәртібі туралы келісімге өзгерістер мен толықтырулар енгізу туралы
хаттама
(Мәскеу қ., 2015 жылғы 16 сәуірде)

ҚР 2016 жылғы 22 ақпандағы № 458-V Заңымен ратификацияланды

2016 жылғы 1 сәуірде күшіне енді

Бұдан әрі Тараптар деп аталатын Қазақстан Республикасы мен Ресей Федерациясы

1995 жылғы 20 қаңтардағы Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінің (объектілері мен ұрыс алаңдары Қазақстан Республикасының аумағында орналасқан) 929 Мемлекеттік ұшу-сынақ орталығын пайдалану тәртібі туралы келісімнің (бұдан әрі - Келісім) 23-бабын басшылыққа ала отырып,

төмендегілер туралы келісті:

1-бап

1. Келісімнің 1-бабы мынадай мазмұндағы абзацтармен толықтырылсын:

«Ғылыми-зерттеу және сынақ жұмыстарының жылдық жоспарына сәйкес өткізілетін сынақтарды орындау кезінде қауіпсіздікті қамтамасыз ету мақсатында Полигон қолбасшылығы Қазақстан Республикасының жергілікті атқарушы органдарын хабардар өткеннен кейін № 1 қосымшаға сәйкес № 1 учаскенің 3-7 координаттық нүктелерінің ішінде орналасқан Кіші Богдо тауының ауданындағы жер учаскесі пайдаланылады.

Қазақстан Республикасының жергілікті атқарушы органдары Полигон қолбасшылығымен бірлесіп, Кіші Богдо тауы ауданындағы халықтың қауіпсіздігін қамтамасыз ету жөніндегі іс-шараларды өткізеді.».

2. Келісімнің 9-бабының 3-тармағы мынадай редакцияда жазылсын:

«3. Полигон қолбасшылығы Қазақстан Республикасының жергілікті атқарушы органдарымен бірлесіп, маусымдық ауыл шаруашылығы және геологиялық барлау жұмыстарын жүргізу кезінде Қазақстан Тарапының Полигон аумағының учаскелерін пайдалану тәртібін айқындайды және дүлей зілзалаларды жою кезінде көмек көрсетеді.».

3. Келісімге № 1 қосымша мынадай редакцияда жазылсын:

«1995 жылғы 20 қаңтардағы

Қазақстан Республикасы мен Ресей

Федерациясы арасындағы Ресей

Федерациясы Қорғаныс министрлігінің