«Элиталық тұқымдарды субсидиялау» мемлекеттік көрсетілетін қызмет регламенті (Жамбыл облысы әкімдігінің 2014 жылғы 26 желтоқсанында № 362 қаулысымен бекітілді) (күші жойылды)

Жамбыл облысы әкімдігінің 2015.17.08. № 207 Қаулысымен күші жойылды

Жамбыл облысы әкімдігінің

2014 жылғы 26 желтоқсанында

№ 362 қаулысымен бекітілді

«Элиталық тұқымдарды субсидиялау»

мемлекеттік көрсетілетін қызмет регламенті

1. Жалпы ережелер

1. «Элиталық тұқымдарды субсидиялау» мемлекеттік көрсетілетін қызметі (бұдан әрі - мемлекеттік көрсетілетін қызмет) «Элиталық тұқымдарды субсидиялау мемлекеттік көрсетілетін қызмет стандартын бекіту туралы» Қазақстан Республикасы Үкіметінің 2014 жылғы 31 шілдедегі № 843 қаулысымен бекітілген «Элиталық тұқымдарды субсидиялау» мемлекеттік көрсетілетін қызмет стандартына (бұдан әрі - стандарт) сәйкес, облыстардың жергілікті атқарушы органдары (бұдан әрі - көрсетілетін қызметті беруші) көрсетеді.

Өтініштерді қабылдауды және мемлекеттік қызметті көрсету нәтижелерін беруді көрсетілетін қызметті берушінің кеңселері жүзеге асырады.

2. Мемлекеттік қызметті көрсету нысаны - қағаз түрінде.

3. Мемлекеттік қызметті көрсету нәтижесі - көрсетілетін қызметті алушылардың банктік шоттарына тиесілі бюджеттік субсидияларды одан әрі аудару үшін аумақтық қазынашылық бөлімшеге төлем шоттарының тізілімін ұсыну.

Мемлекеттік көрсетілетін қызмет нәтижесін ұсыну нысаны: қағаз түрінде.

2. Мемлекеттік қызмет көрсету процесінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимыл тәртібін сипаттау

4. Мемлекеттік қызмет көрсету бойынша рәсімді (іс-қимылды) бастауға негіздеме - стандарттың 9-тармағында көрсетілген құжаттарды көрсетілетін қызметті алушымен (не сенімхат бойынша оның өкілімен) ұсыну болып табылады.

5. Мемлекеттік қызметті көрсету процесінің құрамына кіретін әрбір рәсімнің (іс-қимылдың) мазмұны, оның орындалу ұзақтығы:

1) көрсетілетін қызметті берушімен Стандарттың 9-тармағында көзделген өтінімдерді және құжаттарды қабылдауы және тіркеуі - 15 минуттан артық емес;

2) ауданның ведомствоаралық комиссиямен көрсетілетін қызмет алушының құжаттарын тексеруі - 3 жұмыс күні ішінде;