«Орта білім беретін үздік ұйым» грантын тағайындау конкурсына қатысу үшін құжаттарды қабылдау» мемлекеттік көрсетілетін қызмет регламенті (Қарағанды облысы әкімдігінің 2015 жылғы 5 маусымдағы № 30/07 қаулысымен бекітілді) (2016.20.06. берілген өзгерістермен) (күші жойылды)

Қарағанды облысының әкімдігінің 2019.05.11. № 62/03 Қаулысымен мемлекеттік көрсетілетін қызмет регламенті алып тасталды

Қарағанды облысы әкімдігінің

2015 жылғы 5 маусымдағы

№ 30/07 қаулысымен

бекітілді

«Орта білім беретін үздік ұйым» грантын тағайындау конкурсына қатысу үшін құжаттарды қабылдау»

мемлекеттік көрсетілетін қызмет регламенті
(2016.20.06. берілген өзгерістермен)

1. Жалпы ережелер

1. «Орта білім беретін үздік ұйым» грантын тағайындау конкурсына қатысу үшін құжаттарды қабылдау» мемлекеттік көрсетілетін қызмет (бұдан әрі - мемлекеттік көрсетілетін қызмет) аудандық, қалалық білім бөлімдерімен сонымен қатар облыстық білім басқармасымен солардың кеңсесі арқылы (бұдан әрі - көрсетілетін қызметті берушілер) көрсетіледі.

2. Мемлекеттік қызметті көрсету нысаны - қағаз түрінде.

1) Өтініштерді қабылдау және мемлекеттік көрсетілетін қызмет нәтижесін тапсыру көрсетілетін қызметті берушінің кеңсесі арқылы жүзеге асырылады.

3. Мемлекеттік көрсетілетін қызмет тегін ұсынылады.

4. Мемлекеттік көрсетілетін қызметтің нәтижесі өтініштің қабылданған уақытын, күнін және нөмірін көрсетумен барлық құжаттарды алғаны туралы қолхат болып табылады.

2. Мемлекеттік қызметтер көрсету процесінде көрсетілетін қызметті берушінің құрылымдық

бөлімшелерінің (қызметкерлерінің) іс-қимылы тәртібін сипаттау

5. «Балаларға арналған қосымша білімді ұсыну және «Орта білім беретін үздік ұйым» грантын тағайындауға конкурс өткізу саласындағы жергілікті атқарушы органдар көрсететін мемлекеттік көрсетілетін стандарттарды бекіту туралы» Қазақстан Республикасы Білім және ғылым министрлігінің 2015 жылғы 7 сәуірдегі № 170 бұйрығымен бекітілген «Орта білім беретін үздік ұйым» (Нормативтік құқықтық актілерді мемлекеттік тіркеу тізілімінде № 10980 болып тіркелген) мемлекеттік көрсетілетін қызмет стандартының (бұдан әрі -Стандарт) 9-тармағында көрсетілген қажетті құжаттардың қоса берілуімен көрсетілетін қызметті алушының өтініші мемлекеттік көрсетілетін қызмет бойынша рәсімді (әрекетті) бастау үшін негіз болып табылады.